ရဲစွမ်းသတ္တိအပြည့်ရှိကြတဲ့လူငယ်တွေကတော့ ဒီနေ့အချိန်ထိတိုင် တစ်ရက်မှမနားဘဲ လက်ရှိအခြေအနေကိုရင်ဆိုင်နေကြတာဖြစ်ပါတယ်။လူငယ်တွေက တီထွင်ကြံဆနိုင်စွမ်းလည်းရှိကြတာကြောင့် လူထုလှုပ်ရှားမှုတွေကိုနည်းလမ်းအမျိုးမျိုးနဲ့ တစ်နေ့တစ်မျိုးမရိုးရအောင်ရွက်နေကြတာဖြစ်ပါတယ်။ရက်ပေါင်း(၈၁)ရက်ကြာမြင့်သွားပြီဖြစ်တဲ့ လက်ရှိအခြေအနေမှာဆိုရင် ဖမ်းဆီးခံရတဲ့ပြည်သူတွေလည်း ထောင်ကျော်ရှိသလို အသက်ပေးသွားရပြီဖြစ်တဲ့သူရဲကောင်းတွေလည်း အယောက်(၇၀၀)ကျော်နေပြီဖြစ်ပါတယ်။
ဖမ်းဆီးခံရသူတွေထဲမှာ မိန်းကလေးတွေလည်း အများအပြားပါဝင်နေတာဖြစ်ပြီး ပြည်သူလူထုကတော့ ဖမ်းဆီးခံရသူတွေအတွက် နေ့တိုင်း speak outလုပ်ပေးကာ တစ်ဖက်တစ်လမ်းကနေကူညီနေကြတာဖြစ်ပါတယ်။(၃.၃.၂၀၂၁) ရက်နေ့ကဆိုရင်လည်း အသက်(၂၀)ကျော်အရွယ် မိန်းကလေးတစ်ဦးဖမ်းဆီးခံခဲ့ရလို့ မိသားစုဝင်တွေလည်း အရမ်းစိတ်ပူနေကြတာဖြစ်ပါတယ်။မိန်းကလေးရဲ့ဖခင်ဆိုရင် တခြားဖမ်းဆီးခံရသူတွေလွတ်လာတာကြောင့် သမီးလေးလည်းလွတ်လာမလားဆိုပြီး တမျှော်မျှော်ဖြစ်နေရှာတာဖြစ်ပါတယ်။
မိန်းကလေးရဲ့နာမည်က မရတနာဖြစ်ပြီး စိတ်ထားလေးဖြူစင်လို့ လူချစ်လူခင်ပေါများသူတစ်ဦးဖြစ်ပါတယ်။တခြားသူကိုကူညီနေရရင် ပျော်ရွှင်နေတတ်တဲ့ မရတနာက အခုကာလမှာလည်း တခြားသူတွေကို ကူညီရင်းပရဟိတလုပ်နေတာဖြစ်ပါတယ်။မရတနာရဲ့ဖခင်ကတော့”ကလေးကိုဒီလောက်အကြာကြီးဖမ်းထားစရာလိုလို့လား။ပရဟိတလုပ်တာအပြစ်လား။သူတစ်ပါးကိုကူညီနေတာပါလို့ ပြောတတ်တဲ့သမီးလေး။ကျွန်တော့်သမီးလေးကိုအမြန်ပြန်လွတ်ပေးပါတော့ဗျာ"ဆိုပြီး လူမှုကွန်ယက်စာမျက်နှာပေါ်မှာ ရင်ထဲကသောကတွေကို မျှဝေလာခဲ့တာဖြစ်ပါတယ်။
Source&Photo Credit: Original Uploder