လတ်တလောအခြေအနေမှာဆိုရင်တော့ ပြည်သူလူထုက ဒီလိုခက်ခဲနေတဲ့အချိန်ကာလကို အပြန်အလှန်ဖေးမကူညီရင်း အားလုံးအတူတူရင်ဆိုင်ကျော်ဖြတ်နေကြတာပဲ ဖြစ်ပါတယ်။ပြည်သူတွေက သက်ကြီးရွယ်အိုအဘိုးအဘွားတွေနဲ့ လက်ရှိမှာစားဝတ်နေရေးကြပ်တည်းနေကြတဲ့သူတွေကို တတ်နိုင်သလောက်ကူညီပေးနေကြတာဖြစ်ပါတယ်။ပြည်သူတိုင်းနီးပါးကလည်း အကူအညီလိုအပ်နေကြတဲ့သူတွေကို ကိုယ်ချင်းစာလို့ သဒ္ဓါတရားနည်းများမဆို ပါဝင်လှူဒါန်းကြတာဖြစ်ပါတယ်။
အခုဆိုရင်လည်း ပြည်သူတစ်ဦးက အသက်(၇၆) နှစ်အရွယ် အဘိုးအိုတစ်ဦးကို ကူညီပေးဖို့အတွက် လူမှုကွန်ယက်စာမျက်နှာပေါ်မှာ တင်ပေးလာတာဖြစ်ပါတယ်။အဘိုးရဲ့နာမည်ကတော့ ဒဲ့ဒိုး(ခ)ဦးသက်ဝေဖြစ်ပြီး ဟိုးအရင်တုန်းကဆိုရင် သရုပ်ဆောင်၊ကာတွန်းရေးဆရာတစ်ယောက်အဖြစ် အသက်မွေးဝမ်းကြောင်းပြုတာဖြစ်ပါတယ်။အဘိုးက ဆီးချိုကြောင့် ခြေထောက်နှစ်ဘက်လုံးဖြတ်ထားရတာဖြစ်ပြီး တစ်ယောက်တည်းနေထိုင်ရတဲ့အတွက် ပြုစုပေးမယ့်လူလည်းမရှိတာဖြစ်ပါတယ်။
အဘိုးခမျာ ခြေထောက်နှစ်ဘက်လုံးမရှိတော့ပေမယ့်လည်း ဘဝကိုအဆင်ပြေသလို ရပ်တည်နေရတာဖြစ်ပါတယ်။အခုလိုကာလမျိုးမှာ အဘိုးအတွက် စားဝတ်နေရေးအရမ်းခက်ခဲနေတာဖြစ်လို့ ပြည်သူတချို့ကလည်းတတ်နိုင်သလောက်ကူညီလှူဒါန်းပေးကြတာဖြစ်ပါတယ်။နောက်ထပ်လှူဒါန်းချင်ကြတဲ့ စေတနာရှင်ပြည်သူတွေလည်း အဘိုးနေထိုင်တဲ့ တောင်ဒဂုံ(၇၆)ရပ်ကွက်၊ယုဇနအိမ်ယာအနီး(09675844722)ကို တိုက်ရိုက်ဆက်သွယ်ကာလှူဒါန်းလို့ရကြောင်းကို ပြန်လည်မျှဝေပေးလိုက်ပါတယ်။
Source&Photo Credit: Original Uploder