မြန်မာပြည်သူ၊ပြည်သားတွေကတော့ အရမ်းစည်းလုံးညီညွတ်ကြပြီး လက်ရှိအခြေအနေမှာလည်း အပြန်အလှန်ရိုင်းပင်းကူညီနေကြတာဖြစ်ပါတယ်။ဒီကာလမှာ အခက်အခဲဖြစ်နေတဲ့ဘယ်သူ့ကိုမဆို ပြည်သူတချို့က ဂရုဏာစိတ်အပြည့်နဲ့ဖေးမပေးကြတာဖြစ်ပါတယ်။အခုဆိုရင်လည်း မုန့်လုံးကြီး အလုံး(၁၀၀)အော်ဒါမှာလို့ သွားပို့ရင်းအခက်အခဲဖြစ်လာရတဲ့လူကို စေတနာရှင်ပြည်သူတစ်ဦးက ကိုယ်ချင်းစာနာစိတ်အပြည့်နဲ့ အကုန်လုံးပြန်ဝယ်ပြီးကူညီပေးလိုက်တာဖြစ်ပါတယ်။
မုန့်လုံးကြီးရောင်းတဲ့သူက အလုံး(၁၀၀)အော်ဒါအတွက် မနက်(၅)နာရီလောက်ထပြီး သကြားတွေကြို၊အုန်းသီးတွေခြစ်ကာ ရောင်းတာထက်ပိုကောင်းအောင် စေတနာပါပါနဲ့ပြင်ဆင်ထားတာဖြစ်ပါတယ်။မုန့်လုံးကြီးမှာတဲ့သူဆီအော်ဒါသွားပို့ဖို့အတွက် ဖုန်းဆက်တဲ့အခါမှာတော့ “မမှာထားဘူး”ဆိုပြီးပြောတဲ့အပြင် နောက်တစ်ခါဆက်တော့ဖုန်းပိတ်လိုက်တာနဲ့ကြုံလိုက်ရတာဖြစ်ပါတယ်။အဲ့ဒီနောက်မှာတော့ ဘယ်သွားရောင်းရမှန်းမသိတာနဲ့ ပြည်သူတစ်ဦးဆီသွားပြီး “ဆရာ ဆရာ ကျွန်တော့်ကို အားပေးပါဦး”ဆိုပြီး အကူအညီတောင်းခံခဲ့တာဖြစ်ပါတယ်။
ပြည်သူတစ်ဦးကလည်း ဂရုဏာထားပြီး မုန့်လုံးကြီး(၂၀၀၀၀)ဖိုးလုံးကို အကုန်ဝယ်ယူကာ တခြားသူတွေကိုပါ ဝေပေးလိုက်တာဖြစ်ပါတယ်။ဒီလိုကာလကြီးမှာ လူတိုင်းနီးပါးကြပ်တည်းနေကြတာကြောင့် လူသားချင်းစာနာထောက်ထားပေးပြီး ဒီလိုခက်ခဲအောင်မပြုလုပ်ကြဖို့ စေတနာရှင်ပြည်သူက မေတ္တာရပ်ခံလာတာဖြစ်ပါတယ်။လမ်းပေါ်ထွက်ပြီးစျေးရောင်းနေရတာကိုက ခက်ခဲနေတဲ့အချိန်မှာ တစ်ဖက်သားအပေါ် ဒီလိုမျိုးမစနောက်ကြဖို့အတွက်တောင်းဆိုရင်း ပြန်လည်မျှဝေပေးလိုက်ပါတယ်။
Source&Photo Credit: Original Uploder