ခုဆိုရင် (၂) လကျော်ကြာမြင့်နေပြီဖြစ်တဲ့ ဒီလူထုလှုပ်ရှားမှုကြီးကြောင့် မြန်မာနိုင်ငံအနှံအပြားရှိ ပြည်သူတွေဟာ အခက်အခဲတွေ မျိုးစုံကြုံတွေ့နေရသလို စိုးရိမ်ပူပန်မှုတွေများစွာနဲ့ နေ့စဉ်တိုင်း နေထိုင်နေကြရတာပါ။ဒီလို အခြေအနေတွေမှာ အားလုံးက တစ်ယောက်အခက်အခဲကို တစ်ယောက်ကူညီဖေးမရင်း အကောင်းဆုံး ကျော်ဖြတ်နေကြတာလည်းဖြစ်ပါတယ်။

Photo Credit: Original Uploder 
Photo Credit: Original Uploder 

ခုလို ကာလတွေမှာ လက်လုပ်လက်စားပြည်သူတွေကလည်း လုပ်ငန်းတာဝန်တွေကိုမထမ်းဆောင်နိုင်တာကြောင့် စားဝတ်နေရေး အခက်အခဲတွေကို ကြုံတွေ့နေရသလို အပစ်အခတ်တွေနဲ့ရင်ဆိုင်နေရတဲ့ နေရာတွေမှာဆိုရင်လည်း ပြည်သူတွေဟာ မိမိတို့ အိုးအိမ်တွေကိုစွန့်ခွာထွက်ပြေးတိမ်းရှောင်နေရတာတွေကိုလည်း စိတ်မချမ်းမြေ့စွာတွေ့မြင့်ရပါတယ်။

Photo Credit: Original Uploder 
Photo Credit: Original Uploder 

ဒါ့ကြောင့်လည်း ခုဆိုရင် ပြည်သူအချင်းချင်းဝိုင်းဝန်းကူညီထောက်ပံ့ပေးမှုတွေပြုလုပ်ပေးလာကြတာကို လေးစားစွာတွေ့မြင်ရပါတယ်။အခု မန္တလေးမှာ ဆိုရင်လည်း ပြည်သူများ စားဝတ်နေရေး အဆင်ပြေစေရန် ရည်ရွယ်ပြီး ပိုရင်လှူ လိုရင်ယူဆိုတဲ့ အစီအစဉ်လေးကို လမ်းမတန်း တစ်နေရာမှာ ပြုလုပ်​ပေးထားတာကိုတွေ့မြင်ရပါတယ်။လိုတဲ့သူတွေကလည်း လာရောက်ယူကြသလို လှူတဲ့သူများကလည်းလာရောက်လှူဒါန်းလျက်ရှိပါတယ်။ဒါ့အပြင် လူမျိုးဘာသာမရွေး လာရောက် ယူနိုင်ကြောင်းလည်းဖော်ပြထားတာတွေ့ရပါတယ်။ ပိုရင်လှူ လိုရင်ယူဆိုတဲ့အစီအစဉ်လေးကို မန္တလေးမှာသာမက ရန်ကုန်မြို့ရဲ့ အချို့နေရာ တော်တော်များများမှာလည်း ပြုလုပ်ပေးလျက်ရှိနေတာလည်းဖြစ်ပါတယ်။

Source&Photo Credit: Original Uploder 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။