မြန်မာနိုင်ငံရဲ့ လူထုလှုပ်ရှားမှုတွေကတော့ မရပ်နားသွားသေးပဲ ဒီနေ့ထိ အသက်ဝင်နေဆဲဖြစ်ပါတယ်။ဒီလိုလှုပ်ရှားမှုတွေပြုလုပ်ရင်း အသက်ပေးသွားကြတဲ့ သူရဲကောင်းတွေလည်း များစွာဒီနေ့ဒီချိန်ထိ ရှိနေဆဲပါ။ ပြည်သူတွေအားလုံးကလည်း ဒီလိုသတ္တိရှိစွာရင်ဆိုင်ခဲ့ကြတဲ့ ကျဆုံးသူရဲကောင်းတွေကို အမြဲလေးစားနေကြတာ ဖြစ်ပါတယ်။
ခုဆိုရင်တစ်ချို့နေရာတွေမှာ အပစ်အခတ်တွေနဲ့ နေ့ရောညပါရင်ဆိုင်နေရတာကြောင့် မိမိတို့ရဲ့ အိုးအိမ်တွေကို စွန့်ခွာကာ ထွက်ပြေးတိမ်းရှောင်နေရတဲ့သူတွေလည်း ရှိနေခဲ့ပါတယ်။ပြည်သူတွေကတော့ ဘယ်လို အခက်အခဲတွေနဲ့ရင်ဆိုင်နေရပါစေ နောက်မဆုတ်သွားဘဲ မိမ်တို့ယုံကြည်ရာ ပန်းတိုင်တစ်ခုကိုရောက်ဖို့အတွက် နည်းမျိုးစုံသုံးကာ ရရာနေရာကနေ လှုပ်ရှားမှုတွေပြုလုပ်နေဆဲပါ။
ခုလိုသင်္ကြန်ကာလမှာဆိုရင်လည်း မြန်မာနိုင်ငံအနှံအပြားရဲ့ မြို့တွေတိုင်းမှာ သင်္ကြန်ပွဲတော်ကြီးကို မကျင်းပကြတဲ့အပြင် ဆန္ဒထုတ်ဖော်မှုတွေကိုပဲ မျိုးစုံအားစိုက်ကာလှုပ်ရှားနေကြတာပါ။ခုလည်း ပုဂံညောင်ဦးမြို့နယ် မြင်းကမ္ဘာရွာက လူငယ်တွေစုပေါင်းပြီး ဆိုင်းဘုတ်များကိုင်ဆောင်ကာ လမ်းလျှောက်သပိတ်ကြီးကို ပြုလုပ်လျက်ရှိတာတွေ့ရပါတယ်။ပရိသတ်ကြီးအတွက် မြင်းကမ္ဘာရွာ လူငယ်သပိတ်ရဲ့ ပုံရိပ်တွေကို ပြန်လည်မျှဝေပေးလိုက်ပါတယ်။