ထိုင်းမင်းသမီး Tangmo ရဲ့ ကျောက်ဖရားမြစ်ထဲသို့ ပြုတ်ကျပြီး သေဆုံးခဲ့တဲ့ ကိစ္စနဲ့ ပတ်သက်ပြီးတော့ ထိုင်းလူမှုအသိုင်းအဝိုင်းမှာ တော်တော်လေးကို နာမည်ကြီးခဲ့ပြီး စိတ်မကောင်း ဖြစ်နေခဲ့ကြပါတယ်။ Tangmo ရဲ့ သေဆုံးမှုဟာ လူအများရဲ့ နှလုံးသားကို ထိခိုက်ပြီး ဝမ်းနည်းစေခဲ့ရပါတယ်။
Tangmo သေဆုံးမှုက မတော်တဆမဟုတ်ဘဲ နောက်ကွယ်က လုပ်ကြံမှုတွေရှိနေလို့ ယုံကြည်နေကြပါတယ်။ ဒါ့ကြောင့်လဲ စစ်ဆေးမှုတွေ ပြုလုပ်နိုင်အောင် ရုပ်အလောင်း သင်္ဂြိုဟ်မယ့်ရက်ကို ရက်အကန့်အသတ်မရှိ ရွှေ့ဆိုင်းခဲ့တာဖြစ်ပြီး အလောင်းကို ဆေးရုံမှာပဲထားရှိ ခွင့်ပေးထားတာ ဖြစ်ပါတယ်။
ဒါပေမယ့်လည်း တရားခံမပေါ်ပေါက်ဘဲ အမှုကိုပိတ်သိမ်းလိုက်တာဖြစ်ပြီး ဒီကနေ့ မေလ ၂၄ ရက်မှာ မီးသဂြိုလ်လိုက်တာပဲ ဖြစ်ပါတယ်။ စိတ်ထားကောင်းပြီး အပေါင်းအသင်းတွေပေါ်မှာလည်း အမြဲချစ်ချစ်ခင်ခင်နဲ့ အနစ်နာခံတဲ့ Tangmo လို လူကောင်းလေးတစ်ယောက်ကို ဆုံးရှုံးလိုက်ရတာကြောင့် အားလုံးက စိတ်မကောင်းဖြစ်နေကြတာဖြစ်ပါတယ်။ ကြေကွဲစရာအပြည့်နဲ့ ကြည့်ရှု့သူတွေပါ ငိုပွဲကျစေခဲ့တဲ့ မင်းသမီး Tangmo ရဲ့ နောက်ဆုံးခရီးစဉ် ဗီဒီယိုလေးကို ပရိသတ်တွေအတွက် ပြန်လည်မျှဝေပေးလိုက်ပါတယ်။
Source : Happy Melon Patcharaveerapong