ပေါင်မြို့နယ်မှာ ဒီကနေ့ လေဆင်နှာမောင်းဝင်ရောက် တိုက်ခတ်ခဲ့လို့ နေအိမ် ၁၀၀ လောက် ထိခိုက်ပျက်စီး

လတ်တလော ကရင်ပြည်နယ် နှင့် မွန်ပြည်နယ် တွေမှာ မိုးသက်လေပြင်းများကျရောက်ပြီး ရေကြီး‌ရေလျှုံမှုများ ၊ မြေပြိုကျမှုများ ဖြစ်ပေါ်ခဲ့တာ တွေ့ရပါတယ်။ ဒီကနေ့ မေလ ၂၄ ရက်မှာလည်း မွန်ပြည်နယ် ၊ ပေါင်မြို့နယ်မှာ လေဆင်နှာမောင်းတစ်ခု ဝင်ရောက်တိုက်ခတ်သွားကြောင်း ‌ဒေသခံတစ်ဦးရဲ့ ဖော်ပြချက်အရ သိရပါတယ်။

ပေါင်မြို့နယ်ရှိ အလှပ်ကျေးရွာမှာ နေ့လည်လောက်က အားပြင်းတဲ့ လေဆင်နှာမောင်း တိုက်ခတ်ခဲ့တာကြောင့် အိမ်ခြေ (၁၀၀) လောက် ထိခိုက်ပျက်စီးခဲ့တယ်လို့ ဆိုပါတယ် ။ အဲ့ဒီထဲမှာ အိမ်ခြေ (၅) လုံးလောက်က ဆိုးဆိုးရွားရွား ပျက်စီးသွားခဲ့လို့ သိရပါတယ်။ အဆိုပါ နေရာတွေဟာ လေပြင်းလမ်းကြောင်းဖြတ်တဲ့ ရွာတွေဖြစ်လို့ လေဒဏ်ကို မကြာခဏ ခံစားရတယ်လို့ သိရပါတယ်။

ဖော်ပြလာတဲ့ မြင်ကွင်းတွေမှာတော့ လေဆင်နှာမောင်းရဲ့ တိုက်ခတ်မှုကြောင့် နေအိမ်တချို့ဟာ အတော်လေးကို ပျက်စီးသွားခဲ့တာ တွေ့ရပါတယ်။ ဒါ့အပြင် မြို့နယ်ရှိ ကယ်ဆယ်ရေးအဖွဲ့များက လေဆင်နှာမောင်းထိခဲ့တဲ့ နေရာတွေမှာ သွားရောက်ရှင်းလင်းမှုတွေ ပြုလုပ်လျက်ရှိကြောင်း သိရပါတယ်။ လေဆင်နှာမောင်းကြောင့် လူနေအိမ်များ ပျက်စီးသွားခဲ့တာကို ဖော်ပြထားပေမယ့် လူထိခိုက်မှု ရရှိမရှိကိုတော့ ကနဦးဖော်ပြထားခြင်းမရှိခဲ့ပါဘူး ။

သတင်း အရင်းအမြစ်៖ Source - Zin Moe