အသံအားကောင်းကောင်းနဲ့ မိန်းကလေးတွေရဲ့ခံစားချက်နဲ့တိုက်ဆိုင်တဲ့သီချင်းများစွာကို ရေးစပ်သီဆိုလေ့ရှိသူ အဆိုတော်ပိုပိုကတော့ ဂီတလောကမှာ နာမည်တစ်လုံးရထားတဲ့ အဆိုတော်တစ်ဦးဖြစ်ပါတယ်။
သူမရဲ့ ယောကျာ်းဆန်ဆန်ပုံစံလေးကလဲ ပရိသတ်တွေအတွက် တစ်မူထူးခြားလွန်းတာကြောင့် ပိုမိုချစ်ခင်ကြတာလည်း ဖြစ်ပါတယ်။ ပိုပို ရဲ့ထွက်သမျှသီချင်းတိုင်းကလည်း နာမည်ကြီးကျော်ကြားခဲ့ပြီး ပရိသတ်တွေ စောင့်ကြည့်အားပေးရတဲ့ အဆိုတော်တစ်ဦးဖြစ်ပါတယ်။
ပိုပိုက လတ်တလောနိုင်ငံရေးအခြေအနေကြောင့် ထိန်းသိမ်းခံထားရတာဖြစ်ပြီး ပရိသတ်တွေနဲ့ ဝေးကွာနေတာလည်း ဖြစ်ပါတယ်။ ဒါကြောင့် သူမရဲ့ Admin တွေ အားလုံးက တိုင်ပင်ပြီး လာမည့် ပိုပိုမွေးနေ့မှာ ပရိသတ်တွေအတွက် သီချင်းလေး တစ်ပုဒ် လက်ဆောင်ပေးဖို့ကို စီစဉ်နေကြတာ ဖြစ်ပါတယ်။
"မပိုပိုက မလွတ်သေးပေမယ့် မပိုပိုရဲ့ မွေးနေ့မှာ အမှတ်တရလေးဖြစ်အောင် အပြင်ကAdmin တို့တွေ အားလုံးတိုင်ပင်ပြီး မပိုပိုလုပ်ထားတာ ကြာပြီဖြစ်တဲ့ သီချင်းလေးကို ပရိတ်သတ်တွေလည်း အလွမ်းပြေအောင် သီချင်းလေးတစ်ပုဒ်ကို မပိုပိုမွေးနေ့မှာ ပရိတ်သတ်တွေအတွက် လက်ဆောင်ပေးချင်ပါတယ်
၁၅ရက်နေ့မှာ Youtube မှာ အရင်တင်မှာဖြစ်ပြီး ၁၆ရက်နေ့ မွေးနေ့မှာတော့ fb မှာ တင်မှာဖြစ်ပါတယ် အရင်ဆုံးနားထောင်ချင်တဲ့ ပရိတ်သတ်တွေကတော့ မပိုပိုရဲ့ Youtube Channel လေးကို Subscribe လုပ်ထားနော်
https://youtube.com/c/PoPoOfficialUCB9xyEBASllZm3ZNubs3tTg" ဆိုပြီး သတင်းကောင်းလေး ပြောကြားထားတာပဲ ဖြစ်ပါတယ်။
ပိုပိုချစ်တဲ့ ပရိသတ်တွေကလည်း အလွမ်းပြေလေးဖြစ်အောင် သီချင်းလေးထွက်လာရင် နားဆင်အားပေးလိုက်ကြဦးနော် .....
Photo Credit & Source : Po Po's FB Acc