အားမရစရာတွေရှိပေမဲ့ ကြည့်ရှုသင့်တဲ့ Tom and Jerry The Movie

https://s9.kh1.co/a6/a673bf794c95b63626e7a40382584dac1c2b56b9.jpg
ဖျော်ဖြေရေးများ
 04-May-2022 9am · 2 months ago

Screenplay ပိုင်းတွေ၊Animation ပိုင်းတွေကတော့ တော်တော်လေးကောင်းမွန်ပါတယ်

လူတိုင်းသိကြတဲ့ ကြောင်နဲ့ကြွက်ဇာတ်ကောင်ဟာ ၂၀၂၁ ခုနှစ်က ရုပ်ရှင်ကားတစ်ကားထွက်ခဲ့ပါသေးတယ်။မထွက်ခင်တုန်းကတော့ အများကြီးမျှော်လင့်ခဲ့ကြပေမဲ့ ထွက်ပြီးချိန်မှာ မျှော်လင့်ထားသလိုဖြစ်မလာတာကြောင့် သိပ်ပြီးတော့ထင်ထင်ပေါ်ပေါ် မဖြစ်သွားခဲ့တဲ့ရုပ်ရှင်ပါ။ဒါဆို Tom and Jerry The Movie ဟာတကယ်ရော အဲ့လောက်ထိအခြေအနေဆိုးရွားရဲ့လား။ပရိသတ်တွေ အားမလိုအားမရဖြစ်ခဲ့ကြတဲ့အပိုင်းတွေကရော ဘယ်အပိုင်းတွေလဲ။

https://s9.kh1.co/__image/w=604,h=755,q=100/74/74e35e847f67f3e68240ba43c0db99b88965f6c6.jpg

အဲ့ဒီရုပ်ရှင်ကားရဲ့ဇာတ်လမ်းကတော့ ရှင်းရှင်းလေးပါ။ကယ်လာဆိုတဲ့ကောင်မလေးတစ်ယောက်ဟာ လှပတဲ့ဟိုတယ်ကြီးတစ်ခုမှာ အလုပ်ရသွားပြီးနောက် ပထမဆုံးအလုပ်အဖြစ် မြို့မျက်နှာဖုံးသူဌေးစုံတွဲတစ်တွဲရဲ့ မင်္ဂလာဆောင်အခမ်းအနားကို စီစဉ်ပေးရတော့မှာပါ။မင်္ဂလာပွဲကို ခမ်းခမ်းနားနား၊အပြစ်အနာမဆာမရှိရအောင် ကျင်းပဖို့စီစဉ်နေချိန် Jerry ဆိုတဲ့ကြွက်ကလေး ဟိုတယ်ထဲဝင်ရောက်လာတဲ့အခါ သူမရဲ့ဘော်ဒါဖြစ်တဲ့ Tom ကိုပါဟိုတယ်ထဲကြွက်ဖမ်းဖို့ခေါ်လိုက်ပါတော့တယ်။အဲ့မှာကြောင်နဲ့ကြွက် ဇာတ်လမ်းစတော့တာပါပဲ။

https://s9.kh1.co/__image/w=650,h=357,q=100/f9/f9f05b627d3c4ab9cae506f9d306caed4a18c16f.jpg

ဒီကားဟာ Loony Tune လိုပဲ လူဇာတ်ကောင်တွေနဲ့ ကာတွန်းဇာတ်ကောင်တွေရောထားတဲ့ပုံစံမျိုးပါ။ဇာတ်ကားထဲမှာပါတဲ့ တိရိစ္ဆာန်လေးတွေအကုန်လုံးက ကာတွန်းဇာတ်ကောင်လေးတွေဖြစ်ပါတယ်။‌ကြောင်နဲ့ကြွက်အပါအဝင် ပါသမျှအကောင်းလေးတွေအကုန်လုံးဟာ ကာတွန်းကားတွေထဲက ပုံစံအတိုင်းပါပဲ။တချို့နေရာတွေမှာ ကာတွန်းဇာတ်လမ်းတွဲတွေထဲက မသိသူမရှိတဲ့ Classic ဇာတ်လမ်းတွဲတွေကို နေရာပြန်ယူထားတာ‌တွေ့ရမှာပါ။ဇာတ်လမ်းလေးကလည်း ပေါ့ပေါ့ပါးပါးနဲ့ မိသားစုလိုက် အေးအေးဆေးဆေးကြည့်လို့ရတဲ့ ချစ်စရာရုပ်ရှင်တစ်ကားလို့ပြောနိုင်ပါတယ်။

https://s9.kh1.co/__image/w=650,h=348,q=100/1c/1cb2504ea89a58372d02624f71b3199b49a9bc53.jpg

ဒီကားရဲ့အလွဲကြီးလွဲတဲ့တချက်ကတော့ ကြောင်နဲ့ကြွက်ဟာ သူတို့ရဲ့ကိုယ်ပိုင်ရုပ်ရှင်ထဲမှာ ဇာတ်ပို့‌တွေလိုဖြစ်နေတာပါ။အဓိကအကြောင်းအရာက သူတို့နှစ်ယောက်ဖြစ်ရမှာဆိုပေမဲ့ ရုပ်ရှင်ကလူတွေတစ်ယောက်နဲ့တစ်ယောက်ကြားက ပြဿနာတွေကိုသာ ဦးစားပေးပြသထားပြီး ကြောင်နဲ့ကြွက်က အဲ့ဒီပြဿနာတွေကြားထဲမှာ ကြားညပ်တဲ့အဆင့်လောက်သာရှိနေသလို ခံစားရပါတယ်။

https://s9.kh1.co/__image/w=650,h=488,q=100/92/92c6d86184ace135050361420054d85be44d216a.jpeg

အဲ့အပြင်သူတို့နှစ်ကောင်ရဲ့အက်ရှင်ခန်းတွေအများကြီးကိုမြင်ရပေမဲ့ ကိုရို့ကားယား classic ဇာတ်ဝင်ခန်းတွေလည်းတော်တော်လေးနည်းပါးပါတယ်။ဒါကြောင့်လည်း ဒီရုပ်ရှင်ဟာ Rating ပိုင်းမှာ IMDb 5.2 ရှိပြီး Rotten Tomatoes ကတော့ 31% သာရှိပါတယ်။တော်တော်လေးကို နည်းပါးတဲ့ Rating အခြေအနေလို့ပြောရမှာပါ။

https://s9.kh1.co/__image/w=650,h=366,q=100/a1/a1dcb9b638d9915bbfff4ac2b955737c145b7371.jpg

သရုပ်ဆောင်ပိုင်းတွေမှာတော့ အဓိကသရုပ်ဆောင် ကယ်လာအဖြစ် မင်းသမီးချောလေး ကလိုဝီဂရေ့ဇ်မိုးဇက်ဇ်ကိုတွေ့ရမယ်။ကြောင်နဲ့ကြွက်ကတော့ စကားပြောသံမပါတာကြောင့် အသံသရုပ်‌ဆောင်မရှိပေမဲ့ တခြားတိရစ္ဆာန်ဇာတ်ကောင်တွေအတွက် အသံသရုပ်ဆောင်တွေပါဝင်ပါတယ်။Wedding ရုပ်ရှင်လည်းဖြစ်တာကြောင့် နာမည်ကြီးသရုပ်ဆောင်တွေ၊ဧည့်သည်သရုပ်ဆောင်တွေလည်း အများကြီးပါဝင်ပါတယ်။

https://s9.kh1.co/__image/w=650,h=349,q=100/ce/ce01822f316bb88411762e4fc459b9b295358a92.jpg

ရုပ်ရှင်ဟာ ဇာတ်ကောင်အသားပေးပိုင်း လိုအပ်တယ်ဆိုပေမဲ့ ကြောင်နဲ့ကြွက်လည်းဖြစ်နေတာရယ်၊သရုပ်ဆောင်တွေလည်းမြိုင်မြိုင်ဆိုင်ဆိုင်အများကြီးပါတာမလို့ ကြည့်ရှူကြည့်သင့်တဲ့ ရုပ်ရှင်ကားကောင်းတစ်ကားဖြစ်ပါတယ်။

Aung Pyae Sone
Aung Pyae

ဆက်စပ်သတင်း