COVID 19 အိုမီခရွန် မျိုးကွဲ XE ဗိုင်းရပ်စ် ကူးစက်ခံထားတဲ့လူနာ ထိုင်းနိုင်ငံမှာ တွေရှိ

COVID 19 အိုမီခရွန်ရဲ့ ဗီဇမျိုးကွဲနှစ်ခုပေါင်းစပ်ထားတဲ့ အိုမီခရွန် XE ဗိုင်းရပ်စ်ကို ထိုင်းနိုင်ငံတွင် တွေ့ရှိထားပြီဖြစ်ကြောင်း ၂၀၂၂ ခုနှစ် ဧပြီလ (၂)ရက်နေ့က သတင်းထုတ်ပြန်ထားပါတယ်။ အိုမီခရွန် XE ဗိုင်းရပ်စ်နဲ့ ပတ်သက်ပြီး WHO က သတိပေးချက်ထုတ်အပြီး မကြာခင်မှာပဲ ထိုင်းမှာ ယင်းဗိုင်းရပ်စ် ကူးစက်ထားသူ စတွေ့ခဲ့တာဖြစ်ပါတယ်။

အိုမီခရွန်ရဲ့ မျိုးကွဲဖြစ်တဲ့ BA.1 နဲ့ BA.2 တို့ ပေါင်းသွားတဲ့ XE မျိုးကွဲပိုးကို Ramathibodi ဆေးရုံက စစ်ဆေးတွေ့ရှိထားခြင်းဖြစ်ကြောင်း သိရပါတယ်။ ထိုင်းနိုင်ငံသား လူနာတစ်ဦးဆီက ယူထားတဲ့ အာခေါင်၊ နှာခေါင်းတို့ဖတ် နမူနာကို မျိုးဗီဇစိစစ်ခဲ့ရာမှ XE ဗိုင်းရပ်စ် တွေ့ရှိခဲ့တာဖြစ်တယ်လို့ ဆေးစစ်စင်တာက သူတို့ရဲ့ လူမှုကွန်ယက်ထက်ကနေတစ်ဆင့် ထုတ်ပြန်ခဲ့ပါတယ်။

ထိုင်းနိုင်ငံမှာ ပထမဆုံးတွေ့ရတဲ့ အဆိုပါလူနာမှာ ရောဂါလက္ခဏာပြင်းထန်ခြင်းမရှိဘဲ ပြန်လည်ကျန်းမာနေပြီ ဖြစ်ကြောင်းသိရပါတယ်။ အဆိုပါ COVID 19 မျိုးကွဲပိုးက မူလဗိုင်းရပ်စ်ထက် ၄၃ ရာခိုင်နှုန်း ပိုမြန်မြန်ကူးစက်နိုင်ပြီး BA.2 မျိုးကွဲထက် ကူးစက်မှု ၁၀ ရာခိုင်နှုန်းပိုမြန်သည်ကို တွေ့ရှိထားသော်လည်း ရောဂါပြင်းထန်မှုအခြေအနေကို လေ့လာဆဲဖြစ်ကြောင်း WHO က သတင်းထုတ်ပြန်ထားပါတယ်။

အိုမီခရွန် XE ကို ဗြိတိန်နိုင်ငံမှာ ယခုနှစ် ဇန်နဝါရီ ၁၉ ရက်က စတင်တွေ့ရှိခဲ့တာဖြစ်ပြီး ယခုအခါ ယင်းပိုးတွေ့လူနာ ၆၀၀ ကျော် ရှိနေပြီလို့ သိရပါတယ်။

Source : bangkokpost