ဖေ့စ်ဘွတ်၊ တွစ်တာလို ဆိုရှယ်မီဒီယာအသစ်တစ်ခု တီထွင်ဖို့ ကြံစည်နေတဲ့ သူဌေးကြီး Elon Musk

ပြီးခဲ့တဲ့ စနေနေ့က အမေရိကန်သူဌေးကြီး Elon Musk ဟာ သူ့ တွစ်တာမှာ ပို့စ်တစ်ခု ရေးသားခဲ့ပါတယ်။ အဲဒါကတော့ ဖေ့စ်ဘွတ်တို့၊ တွစ်တာတို့လိုမျိုး ဆိုရှယ်မီဒီယာ ပလက်ဖောင်းတစ်ခု တီထွင်ဖို့ စဥ်းစားနေတယ်ဆိုတဲ့ အကြောင်းပဲ ဖြစ်ပါတယ်။

အကြောင်းရင်းကတော့ တွစ်တာမှာ လွတ်လပ်စွာ စကားပြောခွင့်မရလို့ပါတဲ့။ ဒါက ဒီမိုကရေစီရှုထောင့်က ကြည့်ကြည့် လူ့အခွင့်အရေးရှုထောင့်ကကြည့်ကြည့် မဖြစ်သင့်ဘူးဆိုပြီး ​ရေးသားခဲ့ပါသေးတယ်။ ဒီပြဿနာကို ဘယ်လို ဖြေရှင်းကြမလဲဆိုပြီး Elon က မေးခွန်းထုတ်ခဲ့ပါတယ်။

ပြီးတော့ တခြား အသုံးပြုစရာ၊ စကားပြောစရာ ပလက်ဖောင်းအသစ် လိုနေပြီလားဆိုပြီး သူ့ရဲ့ followers တွေကို မေးခဲ့ပါတယ်။ အဓိကကတော့ Elon Musk က သူ့ကုမ္ပဏီဖြစ်တဲ့ Tesla ရဲ့ တခြား အကြီးအကဲတွေနဲ့ မတိုင်ပင်ဘဲ လုပ်ငန်းကိစ္စတွေကို တွစ်တာမှာ ချပြခွင့် မရှိတာပဲ ဖြစ်ပါတယ်။

ဒါကြောင့်လည်း သူက မလွတ်လပ်ဘူးလို့ ပြောနေတာပါ။ ခုလို အသစ်တီထွင်မယ့် အကြံကို အားပေး ထောက်ခံသူကြီးကတော့ သမ္မတဟောင်း ဒေါ်နယ်ထရန့်ပါ။ သူကိုယ်တိုင်ကလည်း တွစ်တာကနေ အဘန်းခံထားရသူ ဖြစ်လို့ လွတ်လပ်စွာ ပြောဆိုဖော်ထုတ်ခွင့်ကို တစ်ပြောတည်း ပြောနေသူ ဖြစ်ပါတယ်။

အခုလိုသာ နည်းပညာ ကျွမ်းကျင်သူတွေ၊ လူထုအပေါ် လွှမ်းမိုးမှု ရှိသူတွေက ကိုယ့်ဘာသာ ဆိုရှယ်ပလက်ဖောင်း အသီးသီး လုပ်ကြရင် အနာဂတ်မှာ တကယ်ပဲ Virtual Universe ကြီး ပေါ်လာနိုင်တယ်ဆိုပြီး ဒေါ်နယ်ထရန့်က ပြောခဲ့ပါသေးတယ်။ 

Ref : https://edition.cnn.com/2022/03/27/business/elon-musk-social-media/index.html