လူတော်တော်များများက ကိုယ်ဝန်မရအောင် သန္ဓေတားဆေး သုံးတဲ့အခါမျိုးမှာ အမျိုးသမီးတွေကသာ အဓိကလုပ်ဆောင်ရတယ်လို့ သိထားကြပါတယ်။ ဒါပေမယ့်  အမျိုးသားတွေအသုံးပြုနိုင်မယ့် သန္ဓေတားဆေးဖော်ထုတ်နိုင်ဖို့ နှစ်ပေါင်းများစွာ ကြိုးပမ်း မျှော်လင့်ခဲ့ကြတာဖြစ်ပြီး အခုအခါမှာတော့ လက်တွေ့ထုတ်လုပ်နိုင်ဖို့ နီးစပ်နေပြီပဲဖြစ်ပါတယ်။ 

YCT529 လို့ခေါ်တဲ့ အဆိုပါတားဆေးက ဟော်မုန်းမပါဝင်တဲ့ဆေးဖြစ်ပြီး ကိုယ်ဝန်ရရှိနိုင်ချေကို ၉၉ % လျှော့ချပေးနိုင်သလို အမျိုးသမီးသန္ဓေတားဆေးတွေလိုဘဲ ထိရောက်မှုရှိနေမှာပဲ ဖြစ်ပါတယ်။

ဒီဆေးကို ကြွက်တွေနဲ့စမ်းသပ်ခဲ့ရာမှာ ထင်ရှားတဲ့ဘေးထွက် ဆိုးကျိုးမတွေ့ခဲ့ရပါဘူး။ ဆေးတိုက်ထားတဲ့ ကြွက်အထီးတွေရဲ့ ကိုယ်အလေးချိန်၊ လိင်ဆက်ဆံချင်စိတ်နဲ့ တခြား လှုပ်ရှားမှုတွေကို လေ့လာခဲ့ရာမှာ ဘေးထွက်ဆိုးကျိုး မရှိပါဘူး။ ဒီဆေးကို ရပ်လိုက်ပြီး တစ်လ၊ တစ်လခွဲအကြာမှာ ပုံမှန်အတိုင်း သုတ်ပိုးထုတ်လုပ်နှုန်းရရှိလာပြီးကြွက်အမတွေမှာ ကိုယ်ဝန်ပြန်လည် ရရှိလာကြပါတယ်။

လူသားတွေအပေါ် စမ်းသပ်မှုကိုတော့ (၂၀၂ ၂) နှစ်ကုန် ပိုင်းလောက်မှာ စတင်လုပ်ဆောင်တော့မှာ ဖြစ်ပါတယ်။ 

အမျိုးသားတွေအတွက် ကိုယ်ဝန်တား သောက်ဆေး ကလည်း ယခင်ဆေးတွေလိုဘဲ ဝိတ်တက်စေခြင်း၊စိတ်အခြေအနေ အပြောင်းအလဲဖြစ်ခြင်း၊ ကျားဟော်မုန်းထုတ်လှုပ်နှုန်းကို ထိခိုက်မှု ရှိခြင်း တို့ကိုတော့ ဖြစ်စေနိုင်ပါတယ်။ 

Source : ဘန်ကောက်လမ်းညွှန် က်ိုစိုင်း