မေလ ၉ ရက်နေ့မှာ အဆုံးသတ်တိုက်ပွဲ ဆင်နွှဲမယ်လို့ သတင်းလွှင့်ထားတဲ့ ရုရှား

မေလ ၉ ရက်နေ့ဟာ ရုရှားနိုင်ငံအတွက် အရေးပါတဲ့ သမိုင်းဝင် နေ့တစ်နေ့ပါ။ ၁၉၆၇ ခုနှစ် ၊ ဒုတိယကမ္ဘာစစ်တုန်းက နာဇီဂျာမနီကို အနိုင်ရရှိခဲ့တဲ့ အောင်ပွဲနေ့ (Victory Day) ဖြစ်ပါတယ်။

အခု ၂၀၂၂ မေ ၉ မှာလည်း အတိတ်ကအောင်ပွဲကို ဆက်လက်ခံဖို့ ယူကရိန်းကို အဆုံးသတ် တိုက်ပွဲဆင်တော့မယ်လို့ သိရပါတယ်။

ဒီသတင်းကို ယူကရိန်းထောက်လှမ်းရေးတွေက ရုရှားစစ်သားတွေဆီက ရခဲ့တာပါ။ ယူကရိန်း တိုက်ခိုက်ရေးအဖွဲ့ရဲ့ အကြီးအကဲက မနေ့က တွစ်တာမှာ ဒီအကြောင်း ပို့စ်တင်ပြီး ရေးသားခဲ့တာပါ။

တစ်လနီးပါး ရှိလာပြီဖြစ်တဲ့ ယူကရိန်းခံစစ်ဟာ ခုထိ တောင့်ခံထားနိုင်ဆဲပါ။ အမေရိကန်သမ္မတ ဂျိုးဘိုင်ဒန်နဲ့ အနောက်နိုင်ငံများ မဟာမိတ်အဖွဲ့တို့ တွေ့ဆုံပြီး ယူကရိန်းပြည်သူတွေအတွက် အထောက်အပံ့တွေ ပိုပေးဖို့နဲ့ ရုရှားကို စီးပွားရေး ပိတ်ဆို့မှုတွေ ပိုလုပ်ဖို့ ဆွေးနွေးနေကြပါတယ်။

ဒါပေမဲ့ ယူကရိန်း သမ္မတ ဇယ်လင်စကီးက ဒီပြဿနာကို နိုင်ငံရေးနည်းအရ ဖြေရှင်းဖို့ စိတ်ကူး လုံးဝ မရှိပါဘူး။ လက်နက်ကိုင်ခြင်းကသာ အဖြေဖြစ်လို့ လက်နက်ထောက်ပံ့ဖို့ အနောက်နိုင်ငံတွေကို မေတ္တာရပ်ခံထားပါတယ်။ 

တကယ်သာ မေ ၉ ကို အဆုံးသတ် ပြင်ဆင်ထားရင်တော့ ဧပြီဟာ တိုက်ပွဲပြင်းထန်လာဦးမှာပါ။

Ref : https://www.livemint.com/news/world/victory-day-ukrainian-army-claims-russia-wants-to-end-war-by-9-may-says-reports/amp-11648223971933.html#amp_tf=From%20%251%24s&aoh=16482689156569&referrer=https%3A%2F%2Fwww.google.com