မမနဲ့ မောင်လေး အချစ်ဇာတ်လမ်းလေးတွေ ကြိုက်တဲ့ ပရိသတ်တွေဆို မှတ်မိကြမှာပါ။ ၂၀၁၈ တုန်းက ထွက်ခဲ့တဲ့ Something in the rain ဆိုတဲ့ ဇာတ်ကားလေးမှာ ပါဝင်ခဲ့တာက Son Ye Jin နဲ့ ကိုစိုးမိုးနိုင်လို့ သိကြတဲ့ ဂျောင်ဟယ်အင်းတို့ ဖြစ်ပါတယ်။

ဒီဇာတ်ကားလေးမှာ ချစ်စရာကောင်းတဲ့ မောင်လေး ဟယ်အင်းရဲ့ အစ်မနဲ့ Son Ye Jin တို့ဟာ အချစ်ဆုံး သူငယ်ချင်းတွေပါ။ ငယ်ငယ်တည်းက ရင်းနှီးလာကြပြီး ကြီးလာတော့ သူငယ်ချင်းရဲ့ မောင်လေးနဲ့ ချစ်သွားတဲ့ မမရဲ့ ဇာတ်လမ်းလေးဖြစ်ပြီး တကယ်ကြည်နူးစရာ အရိုကားလေးပါ။

ဒီဇာတ်ကားလေးကို ရိုက်ကူးတဲ့ JTBC ရုပ်သံကုမ္ပဏီက မကြာသေးခင်က သတင်းတစ်ခု ကြေညာခဲ့ပါတယ်။ အဲဒါကတော့ Something in the rain ဆိုတဲ့ ဒီဒရာမာလေးကို အိန္ဒိယရဲ့ နာမည်ကြီး ရုပ်ရှင်ထုတ်လုပ်ရေးကုမ္ပဏီ Pocket Aces က ပြန်ရိုက်တော့မယ်ဆိုတဲ့ သတင်းပဲ ဖြစ်ပါတယ်။

JTBC ဒါရိုက်တာက ဒီလိုရိုက်ကူးခွင့်ပြုတာဟာ အိန္ဒိယမှာ ကိုရီးယားအနုပညာတွေ ပိုပေါက်အောင် စျေးကွက်ချဲ့ထွင်တာဖြစ်တယ်လို့လည်း ပြောပါတယ်။ အရင်ကလည်း ကိုရီးယား ဇာတ်ကား ၂ ကားဖြစ်တဲ့ Ode to my father နဲ့ The man from nowhere ကို ဘောလိဝုဒ်က ပြန်ရိုက်ဖူးတယ်လို့ သိရပါတယ်။ မြန်မာပရိသတ်တွေကတော့ ဘယ်လိုပုံစံလေး ထွက်လာမလဲဆိုတာ စိတ်ဝင်စားနေကြပါပြီ။

Ref : https://www.soompi.com/article/1514128wpp/pretty-noona-who-buys-me-food-starring-son-ye-jin-and-jung-hae-in-to-be-remade-into-an-indian-drama