အညာဒေသ ညောင်ဦးမြို့နယ်မှာ အရမ်းချမ်းအေးနေမှာပါ။ ဒီလိုရာသီဥတုထဲ အင်္ကျီပါးပါးလေးနဲ့ နွမ်းပါးရှာတဲ့ အဘအတွက် လူငယ်လေးတစ်ယောက်က သူဝတ်ထားတဲ့ အနွေးထည်ကို ချွတ်ပြီး လှုခဲ့ပါတယ်။
ဒီလို ကြည်နူးစရာ အလှူကို တွေ့မြင်ခဲ့ရတဲ့ အေးမြမေတ္တာဆရာတော်က ခုလို ရေးသားခဲ့ပါတယ်။ "ကိုယ်တွေ ကားထဲမှာ ချမ်းလွန်းလို့ သင်္ဃန်းခြုံထားရတယ်။ သူကတော့ သူ့အင်္ကျီကိုချွတ်ပြီး အဘကြီးကိုလှူနေတာ" ။ ဆရာတော်က ကားပြင်ဖို့ သွားရင်း ဆိုင်ရှေ့ လှူနေကျ အဘကြီးကို လှူဖို့ လုပ်နေတုန်း တွေ့မြင်ခဲ့တာပါ။
ဒီလုပ်ရပ်ကလေးကို မြင်တွေ့ရတဲ့ ရဟန်းရှင်လူအပေါင်းက သာဓုခေါ်ပြီး လူငယ်လေးကို ချီးကျူးနေကြပါတယ်။ ဒါဟာ လူတိုင်းမလုပ်နိုင်တဲ့အလှူဒါနမျိုး ဖြစ်ပါတယ်။
Credit - အေးမြမေတ္တာ ဆရာတော်