ဆံတော်ရှင်ကျိုက်ထီးရိုးစေတီတော်ကြီး လုံးတော်ပြည့် ရွှေသင်္ကန်းကပ်လှူပူဇော်ခြင်းကို လာမယ့် ဖေဖော်ဝါရီ (၂၀) ရက်နေ့မှ စတင်ကာ ကပ်လှူပူဇော်သွားမည်ဖြစ်ကြောင်း စေတီတော် ဂေါပကအဖွဲ့ရဲ့ ထုတ်ပြန်လာခဲ့ပါတယ်။

မွန်ပြည်နယ် ကျိုက်ထိုမြို့နယ် ရှိ ဆံတော်ရှင် ကျိုက်ထီးရိုးစေတီတော်ကြီးကို လုံးတော်ပြည့် ရွှေသင်္ကန်းကပ်လှူပူဇော်နိုင်ရန်အတွက် လက်ရှိမှာ ငြမ်းဆင်ခြင်းလုပ်ငန်းများကို ဇန်နဝါရီ (၁၇)ရက်က စတင်ပြုလုပ်နေပြီဖြစ်တယ်လို့ဆိုပါတယ်။

အဆိုပါ ဆံတော်ရှင် ကျိုက်ထီးရိုးစေတီတော် လုံးတော်ပြည့် ရွှေသင်္ကန်းကပ်ခြင်းလုပ်ငန်းအားဖေဖော်ဝါရီ (၂၀) ရက်မှ မတ် (၆) ရက်နေ့အထိ ပြုလုပ်မှာဖြစ်တယ်လို့ သိရပါတယ်။ ရွှေသင်္ကန်းကပ်ခြင်းအား ရဟန်းရှင်လူ၊ ဘုရားဖူး ပြည်သူများမှလည်း ကုသိုလ်ပါဝင်လှူဒါန်းနိုင်တယ်လို့ နှိုးဆော်ထားပါသေးတယ်။