ဂျာမန်သိပ္ပံပညာရှင်အဖွဲ့က အန္တာတိကတိုက် ပင်လယ်ကြမ်းပြင်တစ်နေရာမှာ အကြီးမားဆုံး ရေခဲငါး (icefish) အသိုက်ပေါင်း သန်း (၆၀) လောက်ကို မတော်တဆတွေ့ရှိခဲ့တယ်လို့ ဆိုပါတယ်။ အဲ့ဒီရေခဲငါးမျိုးတွေဟာ အောက်ဆီဂျင်ကိုသယ်ဆောင်ပေးတဲ့ ဟေမိုဂလိုဘင်ပရိုတိန်းပါတဲ့ RBCs သွေးနီဥတွေ ထူးခြားစွာမရှိတာကိုတွေ့ရပါတယ်။ အဆိုပါ အသိုက်များကို ပင်လယ်ရေအောက် မီတာ ၅၀၀ လောက်မှာတွေ့ရပြီး အသိုက်များက စက်ဝိုင်းပုံစံဖြစ်ပါတယ်။

အဆိုပါ ငါးအသိုက်များစွာကို ၂၀၂၁ ခုနှစ် ဖေဖော်ဝါရီလက သုတေသန သင်္ဘော Polarstern မှ သင်္ဘောအောက် ကီလိုမီတာဝက်ခန့်ရှိ ပင်လယ်ကြမ်းပြင်ကို စူးစမ်းလေ့လာနေရင်း စတင်ရှာဖွေတွေ့ရှိခဲ့တာ ဖြစ်ပါတယ်။ ပင်လယ်ကြမ်းပြင်တစ်လျှောက် အဆိုပါအသိုက်များဟာ ၂၄၀ စတုရန်းကီလိုမီတာ (၉၃ စတုရန်းမိုင်) ကျော် ကျယ်ဝန်းပြီး အသိုက်တစ်ခုမှာ ၃ စတုန်းလောက်ရှိတယ်လို့ ဆိုပါတယ်။

မနီးမဝေးမှာနေရာယူထားတဲ့ အသိုက်တစ်ခုစီမှာရှိတဲ့ ပျမ်းမျှဥပေါင်း ၁၇၃၅ လုံးလောက်ပါရှိပြီး ဥတစ်လုံးမှာ အချင်း ၁၅ စင်တီမီတာ (၆ လက်မ) အနက် ၇၅ စင်တီမီတာခန့်ရှိပါတယ်။ အသိုက်အများစုမှာ အရွယ်ရောက်ပြီးတဲ့ ငါးတစ်ကောင်က စောင့်ကြပ်နေကြသလို အချို့အသိုက်များမှာ ဥများသာရှိပြီး အချို့အသိုက်များကတော့ အသုံးမပြုတော့တာတွေ ရှိတယ်လို့ ဆိုပါတယ်။

သတင်း အရင်းအမြစ်៖ Source - CNN