သိပ်မကြာခင် (၂၀၂၂) မကူးခင် (၂၀၂၁)ခုနှစ် ဒီဇင်ဘာ(၃၁)ရက်နေ့ညက ကရင်ပြည်နယ် ပိုင်ကျုံမြို့နယ်ခွဲ ကုန်းကလေးရွာ မှာ နှစ်သစ်ကူးပွဲတော် ကျင်းပပြုလုပ်ခဲ့ပြီး နှစ်သစ်ကူးအမှတ်တရအနေနဲ့ မီးပုံပျံလွှတ်တင်ခဲ့ပါတယ်။

ကံအားလျော်စွာပဲ ထိုမီးပုံပျံဟာ ဗီယက်နမ်နိုင်ငံသို့ရောက်ရှိသွားခဲ့ပြီး ဒီသတင်းဟာ တခြားနိုင်ငံတွေမှာရော မြန်မာနိုင်ငံမှာပါ ဟိုးလေးတကျော်ဖြစ်သွားခဲ့တာပဲ ဖြစ်ပါတယ်။ ဗီယက်နမ်နိုင်ငံက ကောက်ရသူတွေအနေနဲ့ ဒါဟာဘယ်နိုင်ငံကပါလဲလို့ မေးခွန်းထုတ်ခဲ့ကြတာဖြစ်ပါတယ်။

မီးပုံပျံအနေနဲ့လည်း ထူးထူးခြားခြားအထွေအထူး ပြုလုပ်ထားခြင်းမရှိပဲ သာမန် ပလပ်စတစ်အိတ်ဖြင့်သာ ပြုလုပ်ထားတာပဲဖြစ်ပါတယ်။ မီးပုံပျံထဲတွင် အမှတ်တရအနေနဲ့ မြန်မာငွေ တစ်သောင်းကျပ် နှင့်အတူ မီးပုံပျံ ပြုလုပ်သူတွေရဲ့နာမည်စာရင်းကိုလည်းထည့်ပေးခဲ့ပါသေးတယ်။ ထိုစာရင်းကို ဗီယက်နမ်နိုင်ငံရှိပြည်သူအချို့က social Media ပေါ်မှာတင်လာတာပဲဖြစ်ပါတယ်။ ဗီယက်နမ်နိုင်ငံရောက် မီးပုံပျံလေးကို ပရိတ်သတ်များအနေနဲ့ကြည့်ရှုလို့ရအောင်ဖော်ပြလိုက်ရပါတယ်။