ဆူဒန်ကလည်း မြန်မာနိုင်ငံလိုပဲ စစ်အာဏာရှင် လက်အောက်ကို မကြာသေးခင်က ကျရောက်ခဲ့ဖူးပါတယ်။ UNICEF အကြီးအကဲတစ်ယောက်ပြောသလို "ကမ္ဘာ့အသက်အငယ်ဆုံး နိုင်ငံက လူနည်းစုလေးဟာ သူတို့အပြစ်ကြောင့် မဟုတ်ဘဲ ဖြစ်လာတဲ့ အရေးအခင်းတွေကို ဝန်နဲ့အားမမျှ ခံစားနေကြရရှာပါတယ်"။
နိုင်ငံရေး မတည်ငြိမ်ရုံတင်မက သဘာဝဘေးအန္တရာယ်ကိုပါ အကြီးအကျယ်ရင်ဆိုင်နေရတဲ့ နိုင်ငံ ဖြစ်ပါတယ်။ အခု မိုးရာသီ ကုန်ဆုံးသွားတာတောင် ယူနတီ ပြည်နယ်မှာ ရေတက်နေတုန်း ဖြစ်ပါတယ်။
ရေကြီးမှုကြောင့် ထောင်နဲ့ချီတဲ့ ပြည်သူတွေဟာ ဘေးလွတ်ရာ ရွှေ့ပြောင်း နေနေရပါတယ်။ မသန့်ရှင်းတဲ့ရေနဲ့ လူဦးရေ သိပ်သည်းမှုကြောင့် အသည်းရောင်အသားဝါရောဂါတွေ ပျံ့နှံ့နေပြီး အစိုးရကလည်း မကိုင်တွယ် မဖြေရှင်းနိုင်ခဲ့ပါ။
သတင်းထောက် Clarissa Ward ဟာ UNICEF ရဲ့ အကူအညီနဲ့ ဆူဒန်မှာ သတင်းသွားယူရင်း တွေ့ကြုံခဲ့ရတာကို Facebook စာမျက်နှာမှာ ဖော်ပြခဲ့တာ ဖြစ်ပါတယ်။ ဒီလို ဒုက္ခတွေကြားက ကြံ့ကြံ့ခံနိုင်တဲ့ ပြည်သူတွေကို အထူး လေးစားနေခဲ့ပါတယ်။ အထူးသဖြင့် ရဲရင့်ကြံ့ခိုင်တဲ့ ဆူဒန်သူတွေကို ချီးကျူးစကား ပြောခဲ့ပါတယ်။
Source - Clarissa Ward Facebook
Bong I.T