အိုမီခရွန် ကိုဗစ် - ၁၉ မျိုးကွဲ ဗိုင်းရပ် ကူးစက်ခံရသူ ၂၄ ဦးထိ ရှိလာပြီဖြစ်တဲ့ တောင်ကိုရီးယားနိုင်ငံ - Myanmarload

အိုမီခရွန် ကိုဗစ် - ၁၉ မျိုးကွဲ ဗိုင်းရပ် ကူးစက်ခံရသူ ၂၄ ဦးထိ ရှိလာပြီဖြစ်တဲ့ တောင်ကိုရီးယားနိုင်ငံ

https://s9.kh1.co/ae/aefa1414413e58b0aded522eef479c17db476253.jpg
နေ့စဉ်သတင်းများ
 06-Dec-2021 2pm · 2 months ago

အိုမီခရွန် ကိုဗစ် - ၁၉ မျိုးကွဲ ဗိုင်းရပ် ကူးစက်ခံရသူ ၂၄ ဦးထိ ရှိလာပြီဖြစ်တဲ့ တောင်ကိုရီးယားနိုင်ငံ

တောင်ကိုရီးယားနိုင်ငံမှာဆိုရင် ကိုဗစ် - ၁၉ မျိုးကွဲဗိုင်းရပ် ကူးစက်ခံရသူ အရေအတွက်ဟာ အခုဆိုရင် ၂၄ ဦးထိ ရှိလာပြီပဲဖြစ်ပါတယ်။ ယမန်နေ့ ဒီဇင်ဘာလ ၅ ရက်နေ့က အိုမီခရွန်အတည်ပြုလူနာ ၃ ဦးကနေ ဆက်စပ်ပြီး ၁၂ ဦးအထိ စစ်ဆေးတွေ့ရှိခဲ့တာဖြစ်ပြီး ဒီကနေ့ ဒီဇင်ဘာလ ၆ ရက်နေ့မှာ ၁၂ ဦး ကနေ ၂၄ ဦးအထိ ထပ်မံစစ်ဆေးတွေရှိလာခဲ့တာပဲဖြစ်ပါတယ်။

https://s9.kh1.co/__image/w=400,h=267,q=100/c5/c5bf4936e682bd771c9192bad945138ca3d01d1c.jpg
Google

ဥဇဘက်ကစ္စတန်နိုင်ငံကို သွားပြီး ကိုရီးယားနိုင်ငံကို ပြန်ဝင်လာခဲ့တဲ့ မိသားစု တစ်စုမှ မိမိတို့ ရောဂါပိုးကူးစက်ခံထားရတာကို မသိရှိဘဲ အင်ချွန်းမြို့ရှိ Michuhol-gu မှာ ချက်စ်ဘုရားကျောင်း သွားတတ်ခဲ့ရာမှစ၍ အဆင့်ဆင့် ကူးစက်ခဲ့တာလို့ သိရပါတယ်။

https://s9.kh1.co/__image/w=650,h=367,q=100/87/871a0bd5a8a38118c818cf304c2be81aa1477e18.jpg
Google

အိုမီခရွန်မျိုးကွဲဗိုင်းရပ် ကူးစက်မှုတိုးပွားလာတာနှင့်အမျှ တောင်ကိုရီးယားနိုင်ငံလေဆိပ်တွေမှာ ကူးစက်မှု ထိမ်းချုပ်နိုင်ရန် စည်းကမ်း တင်းကြပ်မှုတွေ ပိုပြီးလုပ်ဆောင်လာခဲ့ပါတယ်။ အထူးသဖြင့် ကာကွယ်ဆေးထိုးနှံထားပြီးသော နိုင်ငံခြားသားများကို ကာကွယ်ဆေးထိုးနှံပြီးသော တောင်ကိုရီးယားနိုင်ငံသားများထက် တင်းကြပ်မှုများ ပိုမျိုလုပ်ဆောင်နေတယ်လို့ ကြားသိရပါတယ်။

https://s9.kh1.co/__image/w=650,h=367,q=100/33/33cb95b0e764285cb8b2555eab4cfe9ca7b86699.jpg
Google

တောင်ကိုရီးယားနိုင်ငံမှာဆိုရင် ကိုဗစ် - ၁၉ ဗိုင်းရပ် စတင်ကူးစက်ချိန်မှစ၍ အတည်ပြုလူနာ ၄၇၇,၃၅၈ ဦးထိရှိခဲ့ပြီး စုစုပေါင်းသေဆုံးသူ ၃,၈၉၃ ရှိသွားပြီဖြစ်တယ်လို့ ကိုရီးယားရောဂါပိုးထိန်းချုပ်ရေးနှင့် ကာကွယ်ရေးစင်တာ (KDCA) ရဲ့အတည်ပြုချက်အရသိရှိရပါတယ်။ ကိုဗစ် - ၁၉ မျိုးကွဲဗိုင်းရပ် အိုမီခရွန် ကူးစက်ခံရသူဦးရေကတော့ လက်ရှိအချိန်အထိ ၂၄ ဦးရှိသွားပြီဖြစ်ပြီး ထပ်မံတိုးလာနိုင်ဖွယ်ရှိတယ်လို့ သုံးသပ်ထားကြပါတယ်။

Hsu Sandar Aung
Maria Emily Hsu

ဆက်စပ်ဆောင်းပါး