တူရကီနိုင်ငံ အစ္စတန်ဘူလ်မြို့မှာ နိုဝင်ဘာ(၂၉) ရက်နေ့ကစတင်ပြီး အားပြင်းတဲ့ အနောက်တောင်လေမုန်တိုင်း တိုက်ခတ်မှုကြောင့် သေဆုံးသူ (၆) ဦးအထိရှိကြောင်း တူရကီအစိုးရက ထုတ်ပြန်ပြောခဲ့ပါတယ်။ အဆိုပါ လေမုန်တိုင်းဟာ တစ်နာရီလျှင် (၁၃၀)ကီလိုမီတာနှုန်းဖြင့် တိုက်ခတ်ခဲ့တာ ဖြစ်ပါတယ်။ လူ (၅၀) ဦးထက်မနည်း ဒဏ်ရာရရှိခဲ့ပြီး ယင်းအနက် (၃)ဦးမှာ စိုးရိမ်ဖွယ်အခြေအနေတွင်ရှိကြောင်း ဖော်ပြထားပါတယ်။
အစ္စတန်ဘူလ်မြို့ရဲ့ ဥရောပဘက်ခြမ်းရှိ Esenyurt ခရိုင်မှာလည်း လေဒဏ်ကြောင့် ပြိုကျသွားတဲ့ ခေါင်မိုးများအောက်မှာလည်း ပိတ်မိနေသူများရှိခဲ့ပြီး လူသေဆုံးမှုပါ ဖြစ်ပေါ်ခဲ့တယ်။ ယင်းမြို့ရှိ အချို့နေရာများမှာလည်း အားပြင်းတဲ့ လေမုန်တိုင်းကြောင့် မော်တော်ယာဉ်များ ပျက်စီးခြင်း၊ အဝေးပြေးလမ်းပေါ်တွင် သွားလာနေသော ထရပ်ကားများ တိမ်းမှောက်ခြင်းနှင့် နာရီစင်ပြိုကျခြင်းများ ဖြစ်ပေါ်ခဲ့ကြောင်း Ihlas သတင်းအေဂျင်စီက ရေးသားထားခဲ့ပါတယ်။
လေပြင်းမုန်တိုင်းကြောင့် မျောပါသွားတဲ့ ကုန်တင်သင်္ဘောတစ်စင်းလည်း ဥရောပဘက်ခြမ်း Avcilar ခရိုင်ရှိ Ambarli ဆိပ်ကမ်းမှာ ဆိပ်ခံတံတားအား ဝင်တိုက်ခဲ့သလို မော်တော်ဆိုင် ကယ်စီးနင်းသူများလည်း Bosphorus ရေလက်ကြားက တံတားများပေါ် ဖြတ်သန်းချိန်မှာ ဘေးနှစ်ဖက်ကနေ ကားကြီးများကို အကာအကွယ်ပြုပြီး ခက်ခက်ခဲခဲ သွားခဲ့တာဖြစ်ပါတယ်။
သတင်း အရင်းအမြစ်៖ Source - Extreme Weather World