ငွေသယ်ယာဉ်ပေါ်ကနေ ငွေစက္ကူအများအပြား ထွက်ကျခဲ့လို့ လမ်းပေါ်မှာ အလုအယက် ပျော်ရွှင်စွာ ကောက်ယူနေကြတဲ့ ရုပ်သံဖိုင်တစ်ခု - Myanmarload

ငွေသယ်ယာဉ်ပေါ်ကနေ ငွေစက္ကူအများအပြား ထွက်ကျခဲ့လို့ လမ်းပေါ်မှာ အလုအယက် ပျော်ရွှင်စွာ ကောက်ယူနေကြတဲ့ ရုပ်သံဖိုင်တစ်ခု

https://s9.kh1.co/36/36ffb374c9f5d7364239c8d06ab3f359d5309bf1.jpg
နေ့စဉ်သတင်းများ
 21-Nov-2021 2pm · 2 months ago

.

အမေရိကန်ပြည်ထောင်စု၊ ကယ်လီဖိုးနီးယားပြည်နယ်ရှိ Carlsbad အဝေးပြေးလမ်းမတစ်ခုပေါ်မှာ ပြီးခဲ့တဲ့ သောကြာနေ့ ဒေသစံတော်ချိန် နံနက် (၉)နာရီ(၁၅) မိနစ်ခန့်က ငွေစက္ကူများကို သယ်လာတဲ့ ကျည်ကာထရပ်ကားတစ်စီးကနေ ငွေစက္ကူအများအပြားထွက်ကျခဲ့တာကြောင့် လမ်းပေါ်များမှာ မောင်းနှင်သွားလာနေတဲ့ ယာဉ်မောင်းများက ကောက်ယူခဲ့ကြတယ်လို့ နိုင်ငံသတင်းများက ဖော်ပြလာခဲ့ပါတယ်။

https://s9.kh1.co/__image/w=600,h=603,q=100/cf/cfc92d75c3fe7c1b8732ce78d761b4afde22caab.jpg
Photo Credit - NBCNews

ဖြစ်စဥ်မှာ ဆန်ဒီယာဂိုမြို့မှ နိုင်ငံတော်ဗဟိုအာမခံကော်ပိုရေးရှင်းရုံးခွဲတစ်ခုဆီသို့ ငွေစက္ကူများ သယ်ယူလာနေစဥ်အတွင်းမှာပဲ ယာဥ်တံခါးဟာပွင့်ထွက်ခဲ့ပြီး ငွေစက္ကူများဟာ လမ်းမပေါ်ပြန့်ကျဲသွားခဲ့တာ ဖြစ်ပါတယ်။ ဒီလို ငွေစက္ကူအများအပြားဟာ လမ်းမပေါ်တွေမှာ ပြန့်ကျဲကျနေတာကြောင့် နောက်မှာကပ်ပါလာတဲ့ ကားများက ခဏတာရပ်တန့်ခဲ့ပြီး ငွေစက္ကူများကို အလုအယက် ကောက်ယူခဲ့ကြတယ်လို့ သိရပါတယ်။

https://s9.kh1.co/__image/w=600,h=596,q=100/98/9821459e9bd1fb2d558c69730619863d214a6b42.jpg
Photo Credit - NBCNews
https://s9.kh1.co/__image/w=600,h=607,q=100/2b/2b5465652a01e9f439fe834dc667ce1fcf910bf7.jpg
Photo Credit - NBCNews

ဖော်ပြလာတဲ့ ရုပ်သံဖိုင်မှာတော့ မီးခိုးရောင် hoodie ၀တ်ထားတဲ့ အမျိုးသမီးတစ်ဦးဟာ လမ်းမပေါ်တွေမှာ ပြန့်ကျဲနေတဲ့ ငွေစက္ကူများကို ပျော်ရွှင်စွာ ကောက်ယူနေကြသလို အခြားခရီးသွားတွေလည်း အလုအယက်ကောက်ယူနေကြတာ ဖြစ်ပါတယ်။ အာဏာပိုင်တွေကတော့ ငွေစက္ကူများ ကောက်ယူသွားကြသူများကို နီးစပ်ရာ ရဲစခန်းများဆီသို့ ပြန်လာပို့ပေးကြရန် ကြေညာထားခဲ့ပေမယ့် ငွေစက္ကူတန်ဖိုး ပမာဏ ဟာ မည်မျှထွက်ကျခဲ့တယ်ဆိုတာကို ထုတ်ပြန်ကြေညာထားခြင်း မရှိဘူးလို့သိရပါတယ်။

သတင်းအရင်းအမြစ်Source - NBCNews / 107-3jamz

Zin Myo
Zin Myo

ဆက်စပ်ဆောင်းပါး