စတင်ထုတ်လုပ်ခဲ့ခြင်း အထိမ်းအမှတ်(၃၂)နှစ်ပြည့်သွားခဲ့ပြီဖြစ်တဲ့ Disney ရဲ့ The Little Mermaid ဇာတ်ကား

ငယ်စဉ်က 90’s Born ကလေးငယ်တို့ရဲ့ အသည်းစွဲ ကာတွန်းရုပ်ရှင် ဖြစ်တဲ့ The Little Mermaid ဆိုတဲ့ ဇာတ်ကားလေးကိုမှတ်မိကြမယ်ထင်ပါတယ်။ဒီကာတွန်းရုပ်ရှင်လေးဟာ ပရိတ်သတ်အတော်များများရဲ့ အားပေးမှုကိုရရှိထားခဲ့တာဖြစ်ပြီး ယနေ့အချိန်အထိကို ကလေးလူကြီးမရွေး ရဲ့ အားပေးမှုကို ဆက်လက်ရရှိနေတဲ့ ဇာတ်ကားကောင်းတစ်ကားလည်းဖြစ်ပါတယ်။

ထိုဇာတ်ကားကို (၁၇.၁၁.၁၉၈၉) ခုနှစ်မှာ အမေရိကန်နိုင်ငံမှာ စတင်ထွက်ရှိခဲ့တာဖြစ်ပြီး ယခုဆိုရင်တော့ (၃၂)နှစ်ပြည့်သွားခဲ့ပြီဖြစ်ပါတယ်။ဒီဇာတ်ကားကို ဒါရိုက်တာ Ron Clements နဲ့ John Musker တို့ကရိုက်ကူးခဲ့ကြတာဖြစ်ပါတယ်။

ဒီဇာတ်ကားကို Walt Disney Feature Animation နဲ့ Walt Disney Pictures က အဓိက ထုတ်လုပ်ခဲ့တာဖြစ်ပြီး ဒီဇာတ်ကားဟာ ရေသူမလေးနဲ့ ကုန်းပေါ်က မင်းသားလေးတို့ရဲ့ ဖူးစာအကြောင်းကို ရိုက်ကူးပြသထားတာဖြစ်ပါတယ်။ဒီကာတွန်းရုပ်ရှင်ကို ထုတ်လုပ်ခဲ့စဉ်မှာတင်ပဲ ပရိတ်သတ်များဟာ အတိုင်းထက်အလွန်အားပေးခဲ့ကြပြီး တကယ်ကို စံချိန်တင်ခဲ့ရတဲ့ ကာတွန်းရုပ်ရှင်ဇာတ်ကားကောင်းတစ်ခုဖြစ်ပါတယ်။