ရော်နယ်ဒိုကတော့ မန်ချက်စတာယူနိက်တက်အသင်းကိုထပ်မံ ကယ်တင်လိုက်ပြန်ပြီပဲဖြစ်ပါတယ်။ မန်ချက်စတာယူနိက်တက်အသင်းဟာ အတ္တလန်တာနဲ့ ပွဲစဥ်အစပိုင်းမှာ အတော်လေးကို ရုန်းကန်ခဲ့ရပြီး အတ္တလန်တာအသင်းကိုဦးဆောင်ဂိုးခွင့်ပြုခဲ့ရပါတယ်။ အတ္တလန်တာအတွက်ဦးဆောင်ဂိုးကို ဇာပါတာရဲ့ဖန်တီးပေးမူကနေတစ်ဆင့် ပွဲချိန်(၁၂)မိနစ်မှာ အီလီစစ်က သွင်းယူပေးခဲ့တာပါ။
ယင်းနောက်မှာတော့ ဆိုးလ်ရှားအတွက် ရင်အေးစရာအဖြစ် ကံကောင်းခြင်းတွေနဲ့ ယှဥ်တွဲလာတယ်လို့ပဲ ပြောရမလား ယူနိက်တက်နောက်တန်းတည်ငြိမ်ရုန်းကန်ခဲ့ရပြီး အဲရစ်ဘိုင်လီရဲ့ အံ့အားသင့်ဖွယ် ဖျက်ထုတ်ကာကွယ်မူကြောင့် ယူနိက်တက်က ဒုတိယဦးဆောင်ဂိုးခွင့်မပြုခဲ့ပါဘူး။ ယူနိက်တက်အတွက်ချေပဂိုးကိုတော့ ဖာနန်ဒက်ရဲ့ လှပတဲ့ဖန်တီးပေးမူကနေ ပထမပိုင်း အချိန်ပို(၄၅+၁)မိနစ်မှာ ရော်နယ်ဒိုကသွင်းယူခဲ့တာပါ။
ဒုတိယပိုင်းပွဲအစမှာ နှစ်သင်းလုံးက ပြိုင်ဆိုင်မူပြင်းထန်ခဲ့ပြီး အတ္တလန်တာရဲ့ ဒုတိယဦးဆောင်ဂိုးကို ပွဲချိန် (၅၆)မိနစ်မှာ ဇာပါတာက သွင်းယူခဲ့ပါတယ်။ ယူနိက်တက်အတွက် ဒုတိယချေပဂိုးကိုဂရင်းဝုဒ်ရဲ့ပေးပို့မူကနေ အချိန်(၉၀+၁)မိနစ်မှာ ရော်နယ်ဒိုကပဲ သွင်းယူခဲ့ပါတယ်။ ရော်နယ်ဒိုဟာ ဒီနေ့ပွဲစဥ်မှာလဲ ဆိုးလ်ရှားကို ထပ်မံကယ်တင်လိုက်ပြန်တာဖြစ်ပါတယ်။ ပွဲပြီးဆုံးချိန်မှာတော့ အတ္တလန်တာအသင်းနှင့် ယူနိက်တက်အသင်းတို့ (၂.၂)ဂိုးစီဖြင့် သရေကြခဲ့ပါတယ်။
သတင်း အရင်းအမြစ်៖ Source - Instagram