မန္တလေးမြို့၊ မဟာအောင်မြေမြို့နယ်၊ သိပ္ပံလမ်းပေါ်ရှိ ကညနရုံးရှေ့မှာ ယနေ့ အောက်တို့ဘာ (၂၇) ရက်နေ့ မနက်ပိုင်းမှာ ဗုံးပေါက်ကွဲမှုတစ်ခုဖြစ်ပွားခဲ့ပါတယ်။ အဆိုပါ ပေါက်ကွဲမှုမှာ ဆိုင်ကယ်လိုင်စင် သက်တမ်းတိုးသူနှင့် ပွဲစားအချို့အပါအဝင် စုစုပေါင်း (၁၃) ဦးခန့် ထိခိုက်ဒဏ်ရာရခဲ့ တဲ့အပြင် ဆိုင်ကယ် (၁၄) စီးခန့် မီးလောင်ပျက်စီးခဲ့ကြောင်း ပျံ့နှံ့လာတဲ့ သတင်းများအရ သိရပါတယ်။

ယင်းပေါက်ကွဲမှုမှာ သွားရောက်ကူညီပေးတဲ့ လူမှုကယ်ဆယ်ရေးအဖွဲ့ဝင် (၅) ဦးလည်း ထိခိုက်ဒဏ်ရာရရှိခဲ့ကြောင်း မြန်မာနိုင်ငံ လူမှုကယ်ဆယ်ရေးအဖွဲ့(မုံရွာမြို့နယ်ရုံး)က ထုတ်ပြန်ချက်အရ သိရပါတယ်။ ထိခိုက်ဒဏ်ရာရရှိမှု ဖြစ်စဥ်မှာတော့ ပထမအကြိမ်ပေါက်ကွဲမှုမှာ ဒဏ်ရာရရှိသူလူနာ (၄) ဦးကို အရေးပေါ်လူနာတင်ယာဉ်များဖြင့် သွားရောက်ခေါ် ဆောင်ပြီး ပြန်လည်ထွက်ခွာဖို့ လုပ်နေတဲ့အချိန်မှာ ဒုတိယအကြိမ် ထပ်မံပေါက်ကွဲသွားခဲ့တာ ဖြစ်ပါတယ်။

ထပ်မံပေါက်ကွဲမှုကြောင့် ရွှေမန္တလေး လူမှုကယ်ဆယ်ရေးအ သင်းမှ (၃) ဦးနှင့် ဌာနီရှေ့ လူမှုကယ်ဆယ်ရေးအသင်းမှ (၂) ဦး ထိခိုက်ဒဏ်ရာရရှိခဲ့တာကြောင့် လက်ရှိမှာ မန္တလေးဆေးရုံကြီး အရေးပေါ်ဌာနသို့ ပို့ဆောင်ကုနေကြောင်း သိရပါတယ်။ ယင်းပေါက်ကွဲမှုကို SAF - Special Attacking Force (Upper Burma) အဖွဲ့က လုပ်ဆောင်ခဲ့အကြောင်းကို ၎င်းတို့ရဲ့ လူမှုကွန်ရက် စာမျက်နှာပေါ်မှာ ထုတ်ပြန်ထားတာ တွေ့ရပါတယ်။

သတင်း အရင်းအမြစ်៖ Source - လူမှုကယ်ဆယ်ရေးအဖွဲ့(မုံရွာမြို့နယ်ရုံး)