ယခုတလော မြို့နယ်တချို့တွေမှာ မီးလောင်မှုတွေအပြင် ယာဥ်မတော်တဆဖြစ်မှုတွေလည်း နေ့စဥ်ဆက်တိုက်ဆိုသလို ပိုမိုဖြစ်ပွားလာတာ တွေ့ရပါတယ်။ ယခုမှာလည်း ကရင်ပြည်နယ်အတွင်းမှာ လူအများအပြားလိုက်ပါလာတဲ့ မြေသည်ယာဥ်တစ်စီး တိမ်းမှောက်မှုဖြစ်ခဲ့ကြောင့် စိတ်မကောင်းစွာကြားသိရပါတယ်။ မြေသည်ယာဉ်တိမ်းမှောက်ခဲ့တဲ့ နေရာကတော့ မြဝတီ-ကော့ကရိတ် အာရှလမ်း ကွမ်းခြံကွေ့ကုန်း အဆင်းနေရာမှာ အောက်တိုဘာ (၁၁) ရက် ယနေ့ နံနက် (၇) နာရီအချိန်ခန့်က ဖြစ်သွားခဲ့တာဖြစ်ပါတယ်။
ကော့ကရိတ်ဘက်ကနေ မြဝတီဘက်ကိုလာတဲ့ မြေသည်ယာဉ်ဟာ အာရှလမ်း ကွမ်းခြံကွေ့ကုန်းဆင်းအရောက်မှာ အရှိန်မထိန်းနိုင်ဘဲ တောင်နံရံကို ဝင်တိုက်မိပြီး တိမ်းမှောက်သွားခဲ့တာ ဖြစ်ပါတယ်။ ယာဥ်မတော်တဆမှုကြောင့် ယာဉ်ပေါ်ပါလာသူ (၂၃) ဦးခန့်မှာ ထိခိုက်ဒဏ်ရာရရှိခဲ့ပြီး ကလေးငယ်တွေလည်း ပါဝင်တယ်လို့ သိရပါတယ်။ အဆိုပါ ထိခိုက်ဒဏ်ရာရရှိသူတွေကိုတော့ မြဝတီခရိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်း သင်္ဃန်းညီနောင် လူမှုကယ်ဆယ်ရေး အဖွဲ့ကဖော်ပြထားပါတယ်။
မြဝတီ-ကော့ကရိတ် အာရှလမ်းမကြီးပေါ်မှာ အလားတူ ယာဥ်မတော်တဆ တိမ်းမှောက်မှုတွေကလည်း မကြာခဏ ဖြစ်ပွားတတ်တဲ့ နေရာတစ်ခုပဲ ဖြစ်ပါတယ်။ ယခုဖြစ်စဥ်မှာလည်း လိုက်ပါလာသူ အများအပြား ထိခိုက်ဒဏ်ရာရရှိခဲ့ပေမယ့် လူသေဆုံးမှုမဖြစ်ခဲ့တာကတော့ အဆိုးထဲကအကောင်းလို့ပဲ ပြောလို့ရပါတယ်။ ယာဉ်မောင်းသူများအနေဖြင့်လည်း ယာဉ်မကြာခဏ တိမ်းမှောက်မှုများ ဖြစ်ပွားလေ့ရှိတဲ့ အဆိုပါလမ်းကို အသုံးပြုရင်လည်း အထူးသတိရှိကြဖို့ တိုက်တွန်းလိုက်ပါတယ်။
သတင်း အရင်းအမြစ်៖ Source - သင်္ဃန်းညီနောင် လူမှုကူညီရေးအဖွဲ့
Bong I.T