ဘရာဇီးလ်မှာ အနည်းဆုံးလူ(၆)ဦး သေဆုံးခဲ့တဲ့အထိ ဧရာမသဲမုန်တိုင်းကြီး တိုက်ခိုက်ခတ်ခဲ့တဲ့ ထိပ်လန့်စရာ ရုပ်သံဖိုင်

ဘရာဇီးလ်နိုင်ငံ အရှေ့တောင်ပိုင်းရှိ São Paulo ပြည်နယ်က Barretos မြို့နှင့် Cantanduva မြို့များမှာ ရာသီဥတုပူပြင်းခြောက်သွေ့မှုကြောင့် ရက်သတ္တပတ်အတွင်း အင်အားပြင်း သဲမုန်တိုင်းများတိုက်ခတ်ခဲ့တယ်လို့ နိုင်ငံသတင်းများက ဖော်ပြလာခဲ့ပါတယ်။ အဆိုပါ သဲမုန်တိုင်းဟာ တစ်နာရီလျှင် ကီလိုမီတာ (၁၀၀) နှုန်းဖြင့် မိနစ် (၂၀) အကြာတိုက်ခတ်ခဲ့တာ ဖြစ်ပါတယ်။

သဲမုန်တိုင်းတိုက်ခတ်မှုကြောင့် အနည်းဆုံးလူ (၆) ဦးသေဆုံးခဲ့ရပြီး ဒါဟာ နှစ်ပေါင်း (၉၀) အတွင်း အဆိုးရွားဆုံးသဲမုန်တိုင်းတိုက်ခတ်မှုဖြစ်တယ်လို့လည်း ဆိုထားပါတယ်။ အလားတူ ပြီးခဲ့တဲ့ စက်တင်ဘာလ (၂၆) ရက်နေ့ကလည်း သဲမုန်တိုင်း (၁)ကြိမ်ကျရောက်ခဲ့သလို ယခုတစ်ခါကတော့ လူသေမှုဖြစ်ပေါ်ခဲ့ပြီး သစ်ပင်များ၊ လူနေအိမ်များ ထိခိုက်ပျက်စီးခဲ့ပါတယ်။

နိုင်ငံသတင်းများရဲ့ ရုပ်သံဖိုင်တွေအရ São Paulo မြို့အနောက်မြောက်ဘက် Ilha Solteira ဘက်ကနေ တိုက်ခတ်လာတဲ့ သဲမုန်တိုင်းဟာ ပြည်နယ်အတွင်းရှိ အခြားမြို့များကိုဖုံးလွှမ်းစေခဲ့ပြီး ကောင်းကင်တစ်ခုလုံးဟာ လိမ္မော်ရောင်နှင့်အညိုရောင်တို့ကိုပြောင်းလဲခဲ့တာ ဖြစ်ပါတယ်။ ဒီရုပ်သံဖိုင်တွေကတော့ သဲမုန်တိုင်းတိုက်ခတ်လာချိန် မြို့အတွင်းရှိ ဒေသခံများက ရိုက်ကူးထားခဲ့တာလို့ ဆိုပါတယ်။

သတင်း အရင်းအမြစ်៖ Source - East Mojo/ AccuWeather