ပရဟိတအလုပ်တွေနဲ့ အများပြည်သူအကျိုးပြုနေကြတဲ့ စေတနာရှင်တွေထဲမှာ နယ်လှည့်ဆေးကုသပေးနေတဲ့ နှလုံးလှဆရာဝန်တွေကလည်း ထိပ်ဆုံးကပါဝင်နေတာ ဖြစ်ပါတယ်။ တောင်ပေါ်ဒေသနဲ့ ဆင်းရဲနွမ်းပါးပြည်သူတွေအတွက် အခမဲ့ဆေးကုသပေးနေတဲ့အပြင် လိုအပ်တာတွေ ကူညီထောက်ပံ့ကာ လှူဒါန်းမှုတွေလည်း ပြုလုပ်နေတာ ဖြစ်ပါတယ်။
အနုပညာရှင် တေးရေးတစ်ယောက်ဖြစ်သလို နယ်လှည့်ဆေးကုသပေးတဲ့ ပရဟိတဆရာဝန်လည်း ဖြစ်တဲ့ ပရဟိတဆရာဝန်လေးကတော့ အကူအညီလိုအပ်နေတဲ့ ပြည်သူတစ်ဦးအတွက် တတ်နိုင်သလောက် ကူညီခဲ့ပြန်ပါတယ်။ ဆီးချိုကြောင့် ပုတ်နေတဲ့ခြေမကြီးကို ဖြတ်ထုတ်ရတော့မှာမို့ ကလေးတစ်ယောက်လို ငိုနေတဲ့ အဘကို ဖေးမနှစ်သိမ့်ရင်း ဆေးဖိုးဝါးခလှူဒါန်းခဲ့တာ တွေ့ရပါတယ်။
စေတနာရှင်ပြည်သူတစ်ဦးရဲ့ ကိုယ်စား ကိုယ်တိုင်သွားရောက် လှူဒါန်းခဲ့တာဖြစ်ပြီး နှစ်သိမ့်ကာ အားပေးစကားတွေ ပြောပေးခဲ့တာ ဖြစ်ပါတယ်။ ဆီးချိုရှိတဲ့ဝေဒနာရှင်တွေကိုလည်း ပွန်းပဲ့ရှနာဖြစ်ရင် မပေါ့ဆကြဖို့နဲ့ သေချာဂရုစိုက်ကြဖို့ တိုက်တွန်းပြောပြထားပါသေးတယ်။
သတင်း အရင်းအမြစ်៖ Min Ko's Fb Acc