ဆီဆိုင်တချို့ ခေတ္တရပ်နားတော့မယ်ဆိုတဲ့ သတင်းများကြောင့် အလုအယက် တန်းစီးပြီး ဆီလာဖြည့်နေရတဲ့ တောင်ငူမြို့က ပြည်သူတွေရဲ့အဖြစ်

မြန်မာနိုင်ငံမှာ ဖြစ်ပေါ်နေတဲ့ နိုင်ငံရေးအခြေအနေတွေကြောင့် လတ်တလောမှာ ရွှေစျေး၊ လောင်စာဆီစျေးနဲ့ ဒေါ်လာစျေးတွေကလည်း တစ်ရက်နှင့်တစ်ရက် စံချိန်တင်လောက်အောင် သိသိသာသာ ထိုးတက်လာခဲ့ပါတယ်။ ဒီလို အဆမတန်တက်လာကြောင့် ဝယ်လိုအားတွေကျဆင်းလာပြီး တချို့ဆိုင်တွေ ခေတ္တရပ်နားလာကြသလို ပြည်သူတွေအတွက်လည်း ပိုမိုအခက်တွေ့လာခဲ့ပါတယ်။

စတင်ဘာလ (၂၉)ရက်နေ့ကလည်း တောင်ငူမြို့မှာ လောင်စာဆီစျေးတွေတက်လာလို့ ဆိုင်တွေပိတ်တော့မယ်ဆိုတဲ့ သတင်းများကြောင့် ညအချိန်အထိ ဆီဖြည့်သူတွေ တန်းစီနေရတဲ့ ပုံရိပ်တချို့ လူမှုကွန်ယက်ပေါ်မှာ ပျံ့နှံ့လာတာ တွေ့ရပါတယ်။ ရုပ်ပုံတွေမှာတော့ ဆီစျေးနှုန်းတွေ အဆမတန်တက်နေပေမယ့် ဓာတ်ဆီလာဖြည့်တင်းတဲ့ သူတွေကတော့ ကြိတ်ကြိတ်တိုး တန်းစီနေရတဲ့အထိ များပြားခဲ့တာ ဖြစ်ပါတယ်။

ယမန်နေ့ကထိ တောင်ငူမြို့က လောင်စာဆီစျေးနှုန်းဟာ (92) တစ်လီတာ (၁၅၀၀) ခန့်ရှိပြီး (95) တစ်လီတာ (၁၈၀၀) နဲ့ (၂၀၀၀)အထိ စျေးပေါက်ခဲ့တယ်လို့ သိရပါတယ်။ ထို့နည်းအတူ အခြားမြို့တွေမှာလည်း လောင်စာဆီဆိုင်တွေ ခေတ္တပိတ်တော့မယ်ဆိုတဲ့ သတင်းများကြောင့် ဆီဆိုင်ကြီးတွေမှာ သူ့ထက်ငါ အလုအယက် ဝယ်ယူဖြည့်တင်းနေကြတာ တွေ့မြင်ရပါတယ်။

သတင်း အရင်းအမြစ်៖ Source - Original Upload