အဆမတန်မြင့်တက်လာတဲ့ တရုတ်ယွမ်ငွေတန်ဖိုးကြောင့် တရုတ်-မြန်မာနယ်စပ်နေပြည်သူများ အခက်အခဲပေါင်းစုံ ကြုံတွေ့နေ - Myanmarload

အဆမတန်မြင့်တက်လာတဲ့ တရုတ်ယွမ်ငွေတန်ဖိုးကြောင့် တရုတ်-မြန်မာနယ်စပ်နေပြည်သူများ အခက်အခဲပေါင်းစုံ ကြုံတွေ့နေ

https://s9.kh1.co/21/2183b2b449b50ae857160d7cbc0ffb7e0dbf6558.png
နေ့စဉ်သတင်းများ
 29-Sep-2021 4pm · 2 months ago

..

တရုတ်နဲ့မြန်မာနယ်စပ်မှာရှိတဲ့ မြန်မာပြည်သူတွေဟာ လက်ရှိမြန်မာ့ပြည်တွင်းရေး မငြိမ်သက်မှုတွေနဲ့ မြန်မာ့ငွေကြေးတန်ဖိုးနိမ့်ကျလာမှုကြောင့် အတော်လေးကို အခက်တွေ့နေရပါတယ်။ တရုတ်ယွမ်ငွေဈေး ဟာ အဆမတန်တက်သွားခဲ့ပြီး တရုတ်ယွမ်ငွေ (၁၀၀) ကျပ်ကို မြန်မာငွေ ကျန်လေးသောင်းဝန်းကျင်အထိ ကိုရှိနေခဲ့ပါတယ်။ ဒီလိုအဆမတန် မြင့်တက်လာတဲ့ နိုင်ငံခြားငွေနဲ့ တဖြည်းဖြည်းနိမ့်ကျလာတဲ့ မြန်မာငွေ တန်ဖိုးတို့ကြားမှာ ပြည်သူတွေဟာ အလူးအလဲကို ဒုက္ခခံနေခဲ့ရပါတယ်။

https://s9.kh1.co/__image/w=650,h=488,q=100/26/268ef15f015006577ba8fbe65ceb863c8cd735ee.jpg
Photo Credit - Shan News (Burmese Version)'s FB Acc

ကုန်ဈေးနှုန်းတွေဟာလည်း နှစ်ဆလောက်မြင့်တက်သွားခဲ့ပြီး အခြေခံလူတန်းစားတွေအတွက် ထမင်းတစ်နပ်စားဖို့တောင် အနိုင်နိုင်ဖြစ်နေရတဲ့ အခက်အခဲတွေကြုံတွေ့လာခဲ့ရပါပြီ။ တိုင်းပြည်ရဲ့ လတ်တလောအခက်အခဲမှာ လူတန်းစားမရွေး ကျပ်တည်းနေကြပြီး ခါးလှဖို့မဆိုထားတဲ့ ဝမ်းဝဖို့အတွက်တောင် အတော်လေးလှုပ်ရှားရုန်းကန်နေရတဲ့ အခြေအနေတွေပါ။ အဖက်ဖက်က မငြိမ်းချမ်းတဲ့အနေအထားတွေရှိနေတာကြောင့် ပြည်သူတစ်ရပ်လုံး စိတ်မချမ်းမသာဖြစ်နေရတဲ့ အခြေအနေတွေပါ။

https://s9.kh1.co/__image/w=650,h=867,q=100/e9/e9bf24a402aad54435c950049e759b896b44f295.jpg
Photo Credit - Shan News (Burmese Version)'s FB Acc

တရုတ်ယွမ်ဈေးတက်သွားတဲ့အတွက်ကြောင့် မြန်မာနဲ့ တရုတ်နယ်စပ်မှာနေထိုင်တဲ့ ပြည်သူတွေဟာ မြင့်တက်သွားတဲ့ယွမ်ဈေးနဲ့ လဲလှယ်ရမယ့်မြန်မာငွေရဲ့တန်ဖိုးကို ညီအောင်ရှာဖွေဖို့ဆိုတာ လတ်တလော အခြေအနေတွေနဲ့ အလုပ်အကိုင်ရှားပါးမှုတို့ကြားမှာ မညီမျှခြင်းများစွာရှိနေခဲ့ပြီး အခက်အခဲပေါင်းစုံ ကြုံတွေ့နေခဲ့ရကြောင်း ကနဦးသတင်းတွေအရ သိရပါတယ်။ ခက်ခဲတဲ့အခြေအနေတွေ အမြန်ဆုံး လွန်မြောက်ပြီး အဆင်ပြေတဲ့အခြေအနေတွေဖြစ်လာစေဖို့ မျှော်လင့်ပါတယ်။

https://s9.kh1.co/__image/w=650,h=488,q=100/4d/4d29d99b86c1565992e8b7f23ec910e9765bb2c3.jpg
Photo Credit - Shan News (Burmese Version)'s FB Acc

သတင်းအရင်းအမြစ်Shan News (Burmese Version)'s FB Acc

Yee Mon Oo
Candy

ဆက်စပ်ဆောင်းပါး