ကယားပြည်နယ်၊ ဒီးမော့ဆိုမြို့က ကရင်နီတိုင်းရင်းသားတွေ အများဆုံးနေထိုင်ကြတဲ့ ကျေးရွာတွေမှာ မြို့ခံပြည်သူ့ကာကွယ်တပ်တွေနဲ့ လက်နက်ကိုင်လူတစ်စု တပ်တွေအကြား လက်ရှိအချိန်ထိ တိုက်ပွဲတွေ ပြင်းထန်နေတာ ဖြစ်ပါတယ်။ တိုက်ပွဲဖြစ်ပွားမှုကြောင့် ဒေသခံအများအပြား ထွက်ပြေးတိမ်းရှောင်နေရသလို တစ်မြို့လုံးနီးပါးလည်း နေအိမ်၊ဆိုင်ခန်းများ မီးလောင်ပြိုကျပျက်စီးနေတာ တွေ့ရပါတယ်။
လက်ရှိမှာတော့ ဒီးမော့ဆိုမြို့နယ်ဟာ ပြည်သူတွေမရှိတော့တာကြောင့် တိတ်ဆိတ်နေတဲ့ မြို့ပျက်ကြီးသဖွယ် ဖြစ်နေခဲ့ပြီ ဖြစ်ပါတယ်။ လက်နက်ကြီး ၊ လက်နက်ငယ်တွေထိမှန်ပြီး မီးလောင်ပျက်စီးနေတဲ့ နေအိမ်များကလည်း နိုက်ပွဲတွေကြားမှာ တစ်နေ့ထပ်တစ်နေ့ ပိုမိုများလာခဲ့ပါတယ်။ ယခုမှာလည်း ဒီးမော့ဆိုမြို့နယ်က လူငယ်တစ်ဦးရဲ့ လူမှုကွန်ယက်မှာ စိတ်မကောင်းစရာ မြင်ကွင်းတချို့နဲ့ ရင်ဖွင့်လာခဲ့တာ တွေ့ရပါတယ်။
ဒါကတော့ ချွေးနှဲစာလေးတွေ စုဆောင်းပြီး မိခင်က ခက်ခက်ခဲခဲ ဆောက်ခဲ့ရတဲ့ နေအိမ်ဟာ မီးရှို့ဖျက်စီးခံခဲ့ရတဲ့ အထဲမှာပါသွားခဲ့တာကြောင့်ပဲ ဖြစ်ပါတယ်။ နေအိမ်ကတော့ မီးလောင်ကျွမ်းခဲ့တာကြောင့် တစ်အိမ်လုံး ရစရာမရှိအောင် ပြိုကျပျက်စီးသွားခဲ့တာ တွေ့ရပါတယ်။ ဒီမြင်ကွင်းတွေကတော့ ပြည်သူတွေကြားမှာလည်း များစွာ စိတ်မကောင်းဖြစ်ခဲ့ကြရပါတယ်။ အဆိုပါလူငယ်တစ်ဦးရဲ့ ရင်ဖွင့်ရေးသားထားတာကိုလည်း ပြန်လည်ဖတ်ရှုလို့ရအောင် အောက်မှာဖော်ပြပေးထားပါတယ်။
သတင်း အရင်းအမြစ်៖ Source - Sai Kyaw Thura