လက်နက်ကြီးတွေနဲ့ ကျေးရွာအတွင်း ရမ်းသန်းပစ်ခတ်ခဲ့တာကြောင့် ရစရာမရှိအောင် ထိမှန်ပျက်စီးခဲ့ရတဲ့ ဒီးမော့ဆိုမြို့က လူနေအိမ်တချို့ - Myanmarload

လက်နက်ကြီးတွေနဲ့ ကျေးရွာအတွင်း ရမ်းသန်းပစ်ခတ်ခဲ့တာကြောင့် ရစရာမရှိအောင် ထိမှန်ပျက်စီးခဲ့ရတဲ့ ဒီးမော့ဆိုမြို့က လူနေအိမ်တချို့

https://s9.kh1.co/ef/ef5ed51d98e5603cf73484cd726c8bc751402859.jpg
နေ့စဉ်သတင်းများ
 26-Sep-2021 12pm · 2 months ago

.

လတ်တလော ကယားပြည်နယ်အတွင်းက ဒီးမော့ဆိုမြို့နယ်မှာ တပ်ပေါင်းစု ပြည်သူ့ကာကွယ်ရေးတပ်တွေနဲ့ အာဏာရှင်လူတစ်စု တို့အကြား တစ်ကျော့ပြန် ထိတွေ့တိုက်ပွဲတွေ ပြန်လည်ဖြစ်ပွားလာခဲ့ပါတယ်။ အာဏာရှင်လူတစ်စုဘက်က မြို့နယ်အတွင်း အင်အားအလုံးအရင်းနဲ့ ထိုးစစ်ဆင်မှုတွေ ပြုလုပ်လာခဲ့တာ ဖြစ်ပါတယ်။ လက်ရှိမှာ ဒေသခံပြည်သူတွေကတော့ ဘေးလွတ်ရာတွေမှာ ထွက်ပြေးတိမ်းရှောင်နေရကြောင်း ကြားသိရပါတယ်။

https://s9.kh1.co/__image/w=600,h=600,q=100/0d/0d7d976b4a9983f596b970af313b11189033b92a.jpg
Photo Credit - PKPF
https://s9.kh1.co/__image/w=600,h=600,q=100/52/528c0cf84d98bca61b0b148181daed49edc7623c.jpg
Photo Credit - PKPF
https://s9.kh1.co/__image/w=600,h=600,q=100/c2/c22621bd831f3fdfc5ec53ef24bfdf4f940115d5.jpg
Photo Credit - PKPF

စက်တင်ဘာလ (၂၅) ရက် ယမန်နေ့ကလည်း ဒီးမော့ဆိုမြို့နယ်၊ကုန်းသာကျေးရွာ၊ သေးဆူလဲကျေးရွာနှင့် ကျောက်ဆည်ကန်တို့မှာ မနက် (၈း၄၅) မှ ညနေ (၇း၀၀) နာရီအထိ တိုက်ပွဲအပြင်းအထန် ဖြစ်ပွားခဲ့ပါတယ်။ အဆိုပါ တိုက်ပွဲမှာလည်း တပ်ပေါင်းစုပြည်သူ့ကာကွယ်ရေးတပ်ဖွဲ့မှ ရဲဘောတစ်ဦး ကျဆုံးခဲ့ကြောင်း PKPF က ဖော်ပြထားတာ တွေ့ရပါတယ်။

https://s9.kh1.co/__image/w=600,h=802,q=100/63/63913c15360013b71ce6a125682b68450c1cc178.jpg
Photo Credit - PKPF
https://s9.kh1.co/__image/w=600,h=802,q=100/92/92fd1e97fe8155add666d0524aefb6d9f910586d.jpg
Photo Credit - PKPF

ယခုမှာလည်း ဒီးမောဆိုမြို့က စိတ်မကောင်းစရာ မြင်ကွင်းတချို့ကို PKPF က ဖော်ပြလာခဲ့ပါတယ်။ ဒါကတော့ ယမန်နေ့က တိုက်ပွဲဖြစ်ပွားချိန်မှာ အာဏာရှင်လူတစ်စုဘက်ကနေ လက်နက်ကြီးတွေ ရမ်းသန်းပစ်ခတ်မှုကြောင့် သေးဆူလဲရွာက လူနေအိမ်တချို့ ထိမှန်ပြီး ရစရာမရှိအောင် ပျက်စီးသွားခဲ့တာ ဖြစ်ပါတယ်။ ဒါ့အပြင် အာဏာရှင်တပ်တွေက ကုန်းသာ ကျေးရွာနှင့် သေးဆူလဲကျေးရွာတွေမှာ ဝင်ရောက်တပ်စွဲထားပြီး ထိုကျေးရွားများအတွင်းရှိ နေအိမ်များကို မီးရှို့ဖျက်စီးခဲ့ကြောင်း PKPF ရဲ့ ထုပ်ပြန်ချက်မှာ တွေ့ရပါတယ်။

https://s9.kh1.co/__image/w=600,h=802,q=100/32/324825014adc7711d65fe01642bb9e995e83498d.jpg
Photo Credit - PKPF
https://s9.kh1.co/__image/w=600,h=802,q=100/dc/dca9a84c9c996ba731c1bdd865c241c599df531f.jpg
Photo Credit - PKPF

သတင်းအရင်းအမြစ်Source - PKPF

Zin Myo
Zin Myo

ဆက်စပ်ဆောင်းပါး