ဘောလိဝုဒ်နာမည်ကြီး မင်းသမီး Kareena Kapoor က (၂၀၁၂)ခုနှစ်မှာ ခင်ပွန်းဖြစ်သူ Saif Ali Khan နဲ့လက်ထပ်ခဲ့တာ ဖြစ်ပါတယ် ။ Saif Ali Khan ကလည်း အောင်မြင်ကျော်ကြားတဲ့ ဘောလိဝုဒ်မင်းသားတစ်လက်ဖြစ်သလို Producer တစ်ယောက်လည်း ဖြစ်ပါတယ် ။ အခုဆိုရင် Kareena Kapoor တို့ဇနီးမောင်နှံက ကလေးနှစ်ယောက်ထွန်းကားပြီး ပျော်ရွှင်စရာမိသားစုဘဝလေးကို ရရှိထားပြီ ဖြစ်ပါတယ် ။
Kareena Kapoor နဲ့ Saif Ali Khan Pataudi တို့ရဲ့ပထမဆုံးသားဦးလေးဖြစ်တဲ့ "Taimur Ali Khan Pataudi" ကိုတော့ (၂၀၁၆)ခုနှစ်၊ဒီဇင်ဘာလ (၂၀)ရက်နေ့က Mumbai မှာမွေးဖွားခဲ့တာ ဖြစ်ပါတယ် ။ အခုဆိုရင် Taimur Ali Khan က အသက် (၄)နှစ်အရွယ်ရှိနေပြီပဲ ဖြစ်ပါတယ် ။ ယခု (၂၀၂၁)ခုနှစ်၊ ဖေဖော်ဝါရီလမှာတော့ Kareena Kapoor က ဒုတိယရင်သွေးလေးကို ထပ်မံမွေးဖွားခဲ့တာ ဖြစ်ပါတယ် ။ သားကြီးဖြစ်တဲ့ Taimur Ali Khan ကလည်း အခုဆိုရင် ပရိသတ်တွေရဲ့ချစ်ခင်အားပေးမှုကို အပြည့်အဝရရှိထားပြီ ဖြစ်ပါတယ် ။
အခုအရွယ်လေးကတည်းက လူချောလေးဖြစ်နေပြီဖြစ်တဲ့ Taimur Ali Khan ကိုပရိသတ်တွေကပါ အချစ်ပိုနေရတာ ဖြစ်ပါတယ် ။ Taimur Ali Khan က ဖေဖေနဲ့မေမေတို့ရဲ့အချောအလှတွေကို လက်ခံရရှိထားသူလေးဖြစ်တာကြောင့် မျက်လုံး၊မျက်ခုံးလေးတွေကအစ အပြစ်ပြောစရာမရှိအောင် ချောမောနေတာပဲ ဖြစ်ပါတယ် ။ ပရိသတ်တွေ အများအပြားရရှိထားပြီဖြစ်တဲ့ Kareena Kapoor နဲ့ Saif Ali Khanတို့ရဲ့သားဦးလေး Taimur Ali Khan ရဲ့ချစ်စရာပုံရိပ်လေးတွေကို ပြန်လည်ဖော်ပြပေးလိုက်ပါတယ်။
Source & Photo Credit-Kareena Kapoor's IG Acc