တောင်တန်းဒေသတွေမှာ တိုက်ပွဲတွေကြောင့် စစ်ဘေးရှောင်နေရတဲ့ ဒေသခံတွေ ဒီနေ့ အထိ ရှိနေဆဲပါ ။ ဒီထဲမှာ ကလေးငယ်လေးတွေလည်း များစွာ ပါဝင်နေပြီး သူတို့လေးတွေရဲ့ ရှေ့ဆက်မယ့် အနာဂတ်တွေ အတွက် နှမြောတသ ဖြစ်မိတာ အမှန်ပါပဲ ။ ကျောင်းစာသင်ရမယ့် အရွယ်လေးတွေမှာ ထွက်ပြေး တိမ်းရှောင်နေရတဲ့ သူတို့ရဲ့ အဖြစ်တွေက ရင်နာစရာပါ ။
ဒါပေမယ့်လည်း ကလေးငယ်လေးတွေက ခုလို အခြေအနေတွေမှာတောင် စိတ်ဓာတ်မာကျော ကြတာကိုတွေ့မြင်ရတာလည်း တကယ်ကို လေးစားစရာပါပဲ ။ ပြည်မက အလှူရှင်တွေကလည်း ဒီ ကလေးငယ်လေးတွေ အတွက် လိုအပ်တာ အဝဝကို ထောက်ပံ့ လှူဒါန်းပေးလျက်ရှိတာကိုလည်း တွေ့ ရပါတယ် ။
ဒီလို အလှူပစ္စည်းတွေ မုန့်တွေ ရလို့ ပျော်ရွှင်နေကြတဲ့ ကလေးငယ်လေးတွေ ရဲ့ ပုံရိပ်တွေကလည်း ထပ်တူ ပီတိဖြစ်စရာကောင်းလောက်ပါတယ် ။ အခုလည်း "ကြိုးကြာသံ " သီချင်းကို ညီညီညာညာနဲ့ ပြိုင်တူသီဆိုနေကြတဲ့ ကလေးငယ်တွေရဲ့ ဗီဒီယိုကို တွေ့ရပါတယ် ။ ဗီဒီယိုလေးကြည့်ပြီး ပြုံးပျော်မိသွားရလောက်အောင် ဖြူစင်ပြီး ချစ်စရာကောင်းလွန်းတာကြောင့် ပရိသတ်ကြီးအတွက် ပြန်လည်ဖော်ပြပေးလိုက်ပါတယ် ။