စက်တင်ဘာလ(၂၂)ရက်နေ့ ယနေ့မနက်မှာတော့ လီဗာပူးအသင်းနဲ့ နောဝှစ်အသင်းတို့ EPL Cup ပွဲစဥ်အဖြစ် ယှဥ်ပြိုင်ကစားခဲ့ကြပါတယ်။ အဆိုပါပွဲစဥ်မှာ လီဗာပူးအသင်းက အဓိကကစားသမား တော်တော်များများကို အနားပေးခဲ့ပြီး အရံကစားသမားတွေ ၊ လူငယ်ကစားသမားတွေကို ပွဲထုတ်လာခဲ့ပါတယ်။ စတင်ကစားချိန်မှာတော့ ပရိသတ်တွေကို ဖျော်ဖြေမှုတွေပေးစွမ်းနိုင်ခဲ့တဲ့ ပွဲကောင်းတစ်ပွဲ ဖြစ်ခဲ့ပြီး အပြန်အလှန်တိုက်စစ်ဆင်မှုတွေကို မြင်တွေ့ခဲ့ရပါတယ်။
ပွဲစတင်ကစားပြီး ပွဲချိန်(၄)မိနစ်မှာတင် ဂျပန်တိုက်စစ်မှူး မီနာမီနိုက လီဗာပူးအသင်းအတွက် အဖွင့်ဂိုးသွင်းယူပေးခဲ့ပါတယ်။ နောဝှစ်အသင်းကတော့ ပွဲချိန်(၄၂)မိနစ်မှာ ချေပဂိုး ပြန်သွင်းခွင့်ရမယ့် အခွင့်အရေးရခဲ့ပေမယ့် လီဗာပူးဂိုးသမားလေး Kelleher ကလက်စွမ်းပြကာကွယ်နိုင်ခဲ့ပါတယ်။ ပထမပိုင်းပွဲပြီးဆုံးချိန်မှာ လီဗာပူးအသင်းက တစ်ဂိုးဂိုးမရှိနဲ့ ဦးဆောင်နေခဲ့တာ ဖြစ်ပြီး ဒုတိယပိုင်းမိနစ်(၅၀)မှာလည်း တိုက်စစ်မှူး အိုရီဂီက လီဗာပူးအသင်းအတွက် ဂိုးသွင်းယူပေးခဲ့ပါတယ်။
လီဗာပူးအသင်းအတွက် အနိုင်သေချာစေမယ့် ဂိုးကိုတော့ မီနာမီနိုကပဲ ပွဲချိန်(၈၀)မိနစ်မှာ သွင်းယူပေးခဲ့တာ ဖြစ်ပါတယ်။လီဗာပူးအသင်းနဲ့ နောဝှစ်အသင်းတို့ ပွဲစဥ်ရဲ့ အကောင်းဆုံးကစားသမားဆုကိုတော့ အသက်(၂၆)နှစ်အရွယ်ရှိ ဂျပန်လက်ရွေးစင်တိုက်စစ်မှူး မီနာမီနိုက ရရှိသွားခဲ့တာပဲ ဖြစ်ပါတယ်။ လီဗာပူးနည်းပြ ကလော့ကတော့ အရံအင်အားနည်းပါးမှုတွေကြောင့် လူငယ်ကစားသမားတွေကို ပွဲထုတ်နေခဲ့တာ ဖြစ်ပြီး ယခုမှာတော့ လူငယ်ကစားသမားတွေနဲ့ပဲ နိုင်ပွဲတစ်ပွဲရရှိအောင် စွမ်းဆောင်နိုင်ခဲ့ပါတယ်။
Source: Original Uploder