ခုလို အခြေအနေတွေမှာ အကြောင်းမျိုးစုံကြောင့် အလုပ်အကိုင်တွေလည်း အဆင်မပြေနေကြပါဘူး ။ ဒီလို အချိန်တွေမှာ လက်လုပ်လက်စား အခြေခံ လူတန်းစားတွေ အဖို့တော့ ဘဝကို အတော်လေး ရုန်းကန် ဖြတ်သန်းနေကြရတာပါ ။ ထမင်းတောင် နပ်မှန်အောင် မစားရတဲ့ သူတွေလည်း အများကြီး ရှိနေတာ အမှန်ပါပဲ ။
ဒါကြောင့် ဒီရက်ပိုင်းမှာဆိုရင် မြန်မာနိုင်ငံ နေရာ အနှံအပြားမှာ ခက်ခဲ ကျပ်တည်းနေသူတွေ အတွက် ရည်ရွယ်ပြီး အနုပညာရှင်တွေ ၊ စေတနာရှင် ပြည်သူတွေ ၊ ပရဟိတ အသင်းတွေ စုပေါင်းပြီး စားသောက်ကုန်တွေကို ရက်ရက်ရောရော လှူဒါန်းဝေဌပေးတာတွေ ပြုလုပ်လာကြတာ ကြည်နူးပီတိ ဖြစ်စရာ မြင်ကွင်းတွေပါပဲ ။
အခုလည်း ခိုင်နှင်းဝေက လမ်းမှာ ဘဝတွေကို ပင်ပင်ပန်းပန်း ရုန်းကန် လှုပ်ရှားနေရတဲ့ ပြည်သူတွေ အတွက် အလှူငွေများနဲ့ ထမင်းဘူးများကို ကိုယ်တိုင် လိုက်ဝေဌပေးလျက်ရှိပါတယ် ။ အလှူလက်ခံရရှိတဲ့ ပုံတွေနဲ့ အတူ " ပိုက်ဆံနဲ့ နာမည်ကြီးဘို့ထက် ကုသိုလ်ဖြစ်ရေးကိုသာ ပိုလိုချင်ပါတယ်ရှင်..." ရေးသားဖော်ပြထားရာ ပရိသတ်ကြီးအတွက် ပြန်လည်ဝေမျှပေးလိုက်ပါတယ် ။