အာဏာသိမ်းမှုအပြီး မြန်မာလူငယ်တွေဟာ ရရာလက်နက် စွဲကိုင်ပြီး ကိုယ့်ဒေသက ပြည်သူတွေရဲ့ အသက်အိုးအိမ်စည်းစိမ်ကို ကာကွယ်နေကြကာ အာဏာရှင်ကိုတွန်းလှန်နေကြတာဖြစ်ပါတယ် ။ ချင်းပြည်နယ်ကလူငယ်လေးတွေဟာလည်း အသက်ကိုစွန့်ပြီး ရဲရဲရင့်ရင့်နဲ့ ချင်းပြည်သူ့ကာကွယ်ရေးတပ်ဖွဲ့ CDFထဲ ဝင်ရောက်ကြတာကို တွေ့ရပါတယ် ။
ချင်းပြည်နယ်မှာ မင်းတပ်ပြည်သူ့ကာကွယ်ရေးတပ်ဖွဲ့နဲ့ စစ်ကောင်စီတပ်ဖွဲ့တွေအကြား တိုက်ပွဲတွေမကြာခဏဖြစ်ပွားနေသလို နှစ်ဖက်ကျဆုံးတဲ့သတင်းတွေလည်း မကြာခဏမြင်တွေ့နေရပါတယ်။ CDFရဲဘော်တွေရဲ့ နယ်မြေကျွမ်းကျင်မှုတွေနဲ့ ခိုင်မာတဲ့စိတ်ဓာတ်တွေကြောင့် တူမီးသေနတ်နဲ့ပြန်လည်ခုခံနေတာတောင် CDFရဲဘော်တွေဘက်က အသာစီးရရှိနေပြီး အောင်မြင်မှုတွေရရှိနေတာ ဖြစ်ပါတယ် ။
စစ်ပွဲအခြေအနေတွေကြောင့် ချင်းပြည်နယ်ကို ရိက္ခာဖြတ်တောက်မှုတွေပြုလုပ်ထားပေမယ့် ပြည်သူတွေကလည်း ရရာနည်းလမ်းနဲ့ရိက္ခာတွေပို့ကာ ကူညီပေးကြပြီး CDFရဲဘော်တွေအနေနဲ့လည်း တောင်ကြိုတောင်ကြားတွေကနေ ခက်ခက်ခဲခဲရိက္ခာရယူနေကြရတာဖြစ်ပါတယ် ။ ဆိုင်ကယ်တွေနဲ့ တောင်ကြားလမ်းတွေကိုမောင်းရတာဟာ အလွန်ခက်ခဲတဲ့အပြင် အန္တရာယ်လည်းများလှတဲ့ လမ်းကြောင်းဖြစ်တာကြောင့် ပြည်သူတွေဟာ CDFရဲဘော်တွေဘေးကင်းဖို့ကိုလည်း ဆုတောင်းပေးနေကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload