Hospital Playlist လို့ပြောလိုက်တာနဲ့
သူငယ်ချင်းတွေကြားမှာထားရှိတဲ့ ချစ်ခြင်းမေတ္တာတွေအကြောင်း ထည့်သွင်းပုံဖော်ထားတဲ့ ရသစုံ ဇာတ်လမ်းတွဲဆိုတာ အားလုံးသိကြမှာပါနော်။ဒီဇာတ်လမ်းတွဲလေးဟာ Season 1 နဲ့ Season 2 ဆိုပြီးထုတ်လွှင့်ပြသခဲ့ရာ နောက်အပတ် ဆိုရင်တော့ Season 2ရဲ့ Final Episode ကိုရောက်ရှိလာပြီဖြစ်ပါတယ်။နောက်ဆုံးဖြစ်တဲ့ ဇာတ်သိမ်းပိုင်းလေးကို ပြသချိန် အားဖြင့် ခါတိုင်းနဲ့မတူပဲ ၂နာရီ၄၀မိနစ်တိတိကြာအောင် ပြသမယ်လို့ သိရပါတယ်။
ဒီဇာတ်လမ်းတွဲမှာဆိုရင် အဓိက သရုပ်ဆောင် ၅ဦးပါပါတယ်။ချယ်ဆုန်းဟွာ အဖြစ် မင်းသမီး Jeon Mido၊ လီအီဂျွန်း အဖြစ် မင်းသား Jo Jung Suk၊ ကင်ဂျွန်ဝမ် အဖြစ် မင်းသား Jung Kyung Ho ၊ ရန်ဆော့ဟွန်း အဖြစ် မင်းသား Kim Dae Myung နဲ့ အန်ဂျောင်ဝန်း အဖြစ် မင်းသား Yoo Yeon Seok တို့ကပါဝင်သရုပ်ဆောင်ထားတာပဲဖြစ်ကြပါတယ်။
ဒီဇာတ်လမ်းလေးမှာ ဆိုရင်တော့ ပြဿနာတွေကြုံတွေ့လာတိုင်း ကြင်ကြင်နာနာ နှစ်သိမ့် အားပေးခြင်းတွေနဲ့ကျော်လွှားပုံတွေ၊သူငယ်ချင်းတွေ၊လုပ်ဖော်ကိုင်ဖက်တွေကြားက သံယောဇဥ်နဲ့ ချစ်ခြင်းမေတ္တာအကြောင်းတွေ၊ဆေးပညာလောကနဲ့ဆိုင်တဲ့အကြောင်းအရာတွေနဲ့ ပညာပေးအကြောင်းအရာတွေကို ရသစုံလင်စွာထည့်သွင်းဖော်ပြထားတာဖြစ်ပါတယ်။ဒါ့အပြင် ဒီ ဇာတ်လမ်းတွဲထဲမှာ ပါဝင်တဲ့ ဇာတ်ဝင်တေးသီချင်းတွေကလည်း တကယ့်ကို စိတ်ကိုကြည်လင်သွားစေတာမို့ မကြည့်ရသေးသူတွေလည်း ကြည့်ရှုခံစားအားပေးကြဖို့အကြံပေးပါရစေ။
Bong I.T