မြန်မာနိုင်ငံရဲ့ ပြည်တွင်းရေးမငြိမ်သက်မှုတွေ အမျိုးမျိုးကြောင့် ပြည်သူတွေအများအပြား ထိခိုက်ဆုံးရှုံးမှုတွေ ဖြစ်ပွားနေကြပြီး စီးပွားရေးခက်ခဲနေကြရတာ တွေ့ရပါတယ်..။

လတ်တလောအခြေအနေတွေအရ ဘဏ်တွေအပေါ် ပြည်သူတွေရဲ့ ယုံကြည်မှုတွေ လျော့နည်းလာခဲ့ပြီး ATM စက်များမှာ ပိုက်ဆံထုတ်နိုင်ဖို့အတွက် နေ့စဉ်နဲ့အမျှ လူအများတိုးဝှေ့စောင့်ဆိုင်းနေကြတာလည်း တွေ့ရပါတယ်..။

ATM စက်တွေမှာ စနစ်တကျတန်းစီတာမျိုးမဟုတ်ဘဲ တစ်ယောက်နဲ့တစ်ယောက် နီးနီးကပ်ကပ် တိုးကြိတ်စောင့်ဆိုင်းနေတဲ့ လူတန်းရှည်ကြီးကြောင့် ကပ်ရောဂါတွေ ပိုမိုကူးစက်ပြန့်နှံ့လာမှာကိုလည်း စိုးရိမ်နေရပါတယ်..။

ATM စက်အရှေ့တွင် ငွေထုတ်ရန်စောင့်ဆိုင်းနေကြတဲ့ လူအုပ်ကြီးထဲမှာ ရည်ရွယ်ချက်အမျိုးမျိုးရှိနေကြပြီး ပွဲစားတွေလည်းရှိကာ ခိုက်ရန်ဖြစ်ပွားမှုတွေလည်း မကြာခဏဖြစ်ပွားနေကြတာ တွေ့ရပါတယ်..။

ပြီးခဲ့တဲ့ရက်ပိုင်းလောက်ကပဲ ATM စက်မှာ ပိုက်ဆံထုတ်နေရင်း ရန်ပွဲဖြစ်ပွားခဲ့ပြီး ဒီကနေ့ဩဂုတ်လ(၂၆) ရက်နေ့မှာလည်း AYA ATM စက်ရှေ့မှာ ထပ်မံဖြစ်ပွားခဲ့တာ တွေ့ရပါတယ်..။

AYA ဘဏ်ရဲ့ ATM စက်ရှေ့မှာ လူအုပ်ကြီးကြား တစ်ယောက်နဲ့တစ်ယောက် အငြင်းပွားကာ ရန်ဖြစ်နေကြတဲ့ ဗီဒီယိုဖိုင်ကိုလည်း တင်ဆက်မျှဝေပေးလိုက်ပါတယ်နော်..။