ပြီးခဲ့တဲ့ သြဂုတ်လ(၂၅)ရက်နေ့ မနေ့ကတော့ ချင်းပြည်နယ်၊ ထန်တလန်မြို့မှာ တိုက်ပွဲတွေဖြစ်ပွားခဲ့ပြီး သေနတ်ပစ်ခတ်သံတွေကိုလည်း ဒေသခံတွေ ကြားခဲ့ရပါတယ်။ ထန်တလန်မြို့ ၊ပလကရပ်ကွက်၊ ရဲစခန်းအနီးမှာ အာဏာရှင်လူတစ်စုဘက်မှ ရမ်းသမ်းပစ်ခတ်ခဲ့တာကြောင့် ကလေးငယ်လေးတစ်ဦး လက်နက်ကြီးကျည်ထိမှန်ပြီး အသက်သေဆုံးသွားခဲ့ပါတယ်။ ယခုလိုရမ်းသမ်းပစ်ခတ်မှုကြောင့် ထန်တလန်က ပြည်သူတွေရဲ့နေအိမ်အချို့ ပျက်စီးသွားခဲ့သလို ဒေသခံပြည်သူနှစ်ဦးလည်း ထိခိုက်ဒဏ်ရာရရှိခဲ့​ကြောင်း သိရှိရပါတယ်။

ကျည်ထိမှန်ပြီး ကွယ်လွန်သွားတဲ့ ကလေးငယ်လေးရဲ့ နာမည်က မောင်ဗန်ဘွေဟန်ဖြစ်ကာ အသက်(၁၀)နှစ်အရွယ်သာ ရှိသေးတာပဲဖြစ်ပါတယ်။ မောင်ဗန်ဘွေဟန်ဟာ ပစ်ခတ်မှုတွေဖြစ်ပွားနေလို့ နေအိမ်အတွင်းပုန်းခိုနေရာကနေ အနီးမှာကျရောက်ပေါက်ကွဲသွားတဲ့ လက်နက်ကြီးကျည်က လည်ပင်းကိုထိမှန်ပြီး သေဆုံးခဲ့တာဖြစ်ပါတယ်။ ယနေ့သြဂုတ်လ(၂၆) ရက်နေ့မှာတော့ လက်နက်ကြီးကျည်ထိမှန်ပြီး အသက်သေဆုံးသွားတဲ့ အဆိုပါကလေးငယ်လေးကို မိသားစုဝင်တွေက ဂူသွင်းသဂြိုလ်ခဲ့ကြပါတယ်။

ဆုံးပါးသွားတဲ့ အဆိုပါကလေးငယ်လေးရဲ့ နောက်ဆုံးခရီးမှာ မိသားစုဝင်တွေက မျက်ရည်မဆယ်နိုင်ဘဲ ယူကျုံးမရဖြစ်ကာ ဝမ်းနည်းနေခဲ့ပါတယ်။ အရမ်းစိတ်မကောင်းဖြစ်စရာကောင်းတဲ့ မောင်ဗန်ဘွေဟန်ရဲ့ နောက်ဆုံးခရီးပုံရိပ်လေးတွေကို ကြည့်ပြီး ပြည်သူတွေက ဝမ်းနည်းနေကြကာ ကောင်းရာဘုံဘဝရောက်ရှိစေဖို့လည်း ဆုတောင်းပေးနေကြပါတယ်။ လက်နက်ကြီးကျည်ထိမှန်ပြီး ဆုံးပါးသွားတဲ့ ထန်တလန်မြို့က ကလေးငယ်လေးရဲ့ နောက်ဆုံးခရီးပုံရိပ်လေးတွေကို ပြန်လည်ဖော်ပြပေးလိုက်ရပါတယ်။

Source : Original Uploder