နိုင်ငံရေးအခြေအနေ‌အရပ်ရပ်နဲ့ အာဏာရှင်လူတစ်စုရဲ့လုပ်ရပ်တွေကြောင့် လူငယ်တွေအတော်များများ လွတ်မြောက်နယ်မြေကိုရောက်ရှိနေကြပြီး စစ်ရေးအတွက်ပြင်ဆင်နေကြတာဖြစ်ပါတယ်။ ပြည်သူချစ်အနုပညာရှင်အတော်များများကလည်း လွတ်မြောက်နယ်မြေတွေမှာရောက်ရှိနေပြီး တပ်တွင်းကရဲဘော်တွေနဲ့ ဗိုလ်ကြီးတွေပါ CDMလုပ်လာကြတာကို တွေ့ရပါတယ်။

CDM ပြုလုပ်လာတဲ့ တပ်တွင်းရဲဘော်တွေများလာတာနဲ့အမျှ ပြည်သူတွေဘက်ကလည်း ၀မ်းပန်းတသာကြိုဆိုကြသလို ကူညီဖေးမမှုတွေပါပြုလုပ်ပေးကြတာကို တွေ့ရပါတယ်။ တပ်တွင်းရဲဘော်တွေ CDMလုပ်လာတာနဲ့အမျှ တဖက်မှာလည်း ဖိနှိပ်မှုတွေရှိလာနေပြီး ပြစ်တင်ပြောဆိုမှုတွေနဲ့ အပုပ်ချမှုအချို့လည်း ရှိနေတာဖြစ်ပါတယ်.....။

မကြာသေးမီကလည်း CDMဗိုလ်ကြီးတစ်ဦးဟာ CDMလုပ်ပြီး တပ်ကထွက်ခဲ့တာကြောင့် ကြုံတွေ့ခဲ့ရတဲ့ အကြောင်းအရာတစ်ချို့ကိုပြောပြလာပါတယ်။ CDMလုပ်ပြီးဘဏ်ကပိုက်ဆံတွေပြန်ထုတ်ကာ တပ်ကထွက်ခဲ့ပေမယ့် ရစရာတစ်သိန်းကျန်ခဲ့ပြီး သူ့ရဲ့ပလန်အပျက်မခံနိုင်တာကြောင့် မယူပဲထွက်လာခဲ့တယ်လို့ သိရပါတယ်။ တပ်တွင်းသူတွေက စိတ်ဆိုးပြီးထွက်တယ်မှတ်ကာ ပြန်ခေါ်ကြတာကြုံရတဲ့အခါမှာ စိတ်မကောင်းဖြစ်မျက်ရည်ကျမိပေမယ့် နောက်ပိုင်းမှာတော့ သူရစရာငွေတစ်သိန်းကို မပေးတော့ပဲ လမ်းလျှောက်စကားပြောစက်ဖိုးဆိုပြီးဖြတ်လိုက်တဲ့အပြင် သူ့အကြောင်းကိုဆဲဆိုကာရေးသားထားကြတာပါ တွေ့မြင်ခဲ့ရတယ်လို့ ဆိုပါတယ်။ ပြန်လည်မျှဝေပေးလိုက်ပါတယ်။

သတင်း အရင်းအမြစ်៖ ရှိန်းလိန်း's Facebook acc