ရန်ကုန်မြို့၊ ကမာရွတ်မြို့နယ်၊ ကျွန်တောလမ်းနဲ့ ဟံသာဝတီလမ်းကြားမှာရှိတဲ့ Time City အတွင်းက နာမည်ကြီးတဲ့ ညောင်ပင်ကြီး ဒီကနေ့မှာ ပြိုလဲပျက်စီးသွားတယ်လို့ သိရပါတယ်..။

ယနေ့မနက်ပိုင်းကပဲ ရုတ်တရက်လဲကျသွားခဲ့တာဖြစ်ပြီး ထိုညောင်ပင်ကြီးမှာ မကျွတ်မလွတ်သေးသောသူများရှိနေပြီး သရဲခြောက်တယ်လို့ နာမည်ကြီးနေတဲ့ ညောင်ပင်ကြီးပဲ ဖြစ်ပါတယ်..။

အဆိုပါညောင်ပင်ကြီးဟာ Time City ဆောက်လုပ်စဉ်မှာလည်း ခုတ်လှဲဖြိုချဖို့ကြိုးစားသူတိုင်း အသက်ဘေးနဲ့ ကြုံတွေ့ခဲ့ရပြီး သရဲခြောက်ခံရတဲ့အမျိုးမျိုးသော သတင်းတွေလည်း ထွက်ပေါ်ခဲ့ပါတယ်..။

ခြောက်တာကြမ်းလွန်းလို့ နိုင်ငံတကာမှာရှိတဲ့ ကျောက်သားဘုရားရုပ်ပွားတော်တွေ ပတ်ပတ်လည်ထားရှိ ပူဇော်ပြီးတဲ့နောက်ပိုင်း ခြောက်လှန့်တာတွေ မရှိတော့ဘူးလို့လည်း သိရပါတယ်..။

လူမှုကွန်ယက်မှာ အရမ်းကိုနာမည်ကြီးခဲ့တဲ့ ညောင်ပင်ကြီးဟာ ယခုအခါ အမြစ်ကနေ ရုတ်တရက်ပြိုလဲသွားတာကြောင့် ပြည်သူတွေက စိတ်ဝင်စားနေကြတာလည်း ဖြစ်ပါတယ်..။

​ဘယ်လိုမှ ခုတ်မရခဲ့တဲ့ Time City ရဲ့ အထင်ကရညောင်ပင်ကြီး ပြိုလဲမြေခသွားခဲ့တာနဲ့ ပတ်သက်ပြီး ထင်မြင်ချက်လေးတွေလည်း ပြောသွားကြပါဦးနော်..။