လတ်တလောမှာတော့ ကိုဗစ်လူနာတွေအတွက် အောက်ဆီဂျင်မပြတ်လပ်အောင်လို့ အလှူရှင်တွေရဲ့မတည်မှုနဲ့အောက်ဆီဂျင်စက်ရုံတွေဆောက်လုပ်နေကြပြီဖြစ်ပါတယ်။အခုနောက်ပိုင်းမှာ စိတ်ဓာတ်ကြံခိုင်မှသာလျှင် ကိုဗစ်ကို တိုက်ထုတ်နိုင်မှာကို သိနားလည်ကြလို့ ကိုဗစ်ကူးစက်ရောဂါခံစားနေရတဲ့လူနာတွေလည်း စိတ်ဓာတ်လုံးဝမကျကြတာဖြစ်ပါတယ်။ဒါ့ကြောင့် သက်ကြီးရွယ်အိုအဘိုး၊အဘွားတွေလည်း ရောဂါကင်းစင်ပြီး ပြန်လည်သက်သာလာတာကို ကြားသိနေရပါတယ်။
တချို့ပြည်သူတွေကလည်း အောက်ဆီဂျင်အိုးနဲ့အရည်ကို လူနာတွေထံခဏငှါးပေးပြီး သက်သာပျောက်ကင်းသွားရင် ပြန်သွားယူကာ နောက်တစ်ဦးကို ဆက်လက်ငှါးပေးကြတာဖြစ်ပါတယ်။ကိုဗစ် ပထမလှိုင်း၊ဒုတိယလှိုင်းကတည်းက စည်းလုံးခဲ့တဲ့ မြန်မာပြည်သူတွေကတော့ တတိယလှိုင်းမှာလည်း အပြန်အလှန်ကူညီနေကြဆဲပဲဖြစ်ပါတယ်။အခုဆိုရင်တော့ စေတနာရှင်လူငယ်တစ်ဦးက ကိုဗစ်ဖြစ်တဲ့အိမ်ကို အောက်ဆီဂျင် 50L အိုးကြီးတစ်အိုး ငှါးပေးထားခဲ့တာဖြစ်ပါတယ်။
တစ်မိသားစုလုံး Negative ပြန်ဖြစ်သွားကြလို့ သူလည်း ကူညီပေးထားတဲ့ အောက်ဆီဂျင်အိုးကို ပြန်သွားယူခဲ့ရာမှအိမ်ရှင်မိသားစုရဲ့သိတတ်မှုကို လေးစားနေတာဖြစ်ပါတယ်။လူငယ်လေးကတော့ အခုမှပြန်ကောင်းလာတဲ့မိသားစုဖြစ်လို့ သူတို့မပင်ပန်းရအောင် ဘာမှမပြောဘဲအိုးအလွတ်ပဲ ပြန်သွားယူခဲ့တာဖြစ်ပါတယ်။အိမ်ရှင်မိသားစုကတော့နောက်လူအတွက် အဆင်သင့်ဖြစ်အောင်လို့ အောက်ဆီဂျင်အိုးထဲကို အရည်အပြည့်ပြန်ဖြည့်ထည့်ပေးထားခဲ့တာဖြစ်ပါတယ်။တစ်ဦးမေတ္တာ၊တစ်ဦးစေတနာဆိုသလို အလိုက်သိတတ်မှုလေးကြောင့် ပီတိဖြစ်ခဲ့ရတဲ့အကြောင်းလေးကို ပြန်လည်မျှဝေပေးလိုက်ပါတယ်။
Source&Photo Credit:Original Uploder