Dead body ကို ရေဝေးသုသာန်သို့ပို့ဆောင်ပေးရင်း တန်းစီပြီးစောင့်နေရတာကြောင့် ကားပေါ်မှာပဲ နေ့ဆွမ်းဘုဉ်းပေးခဲ့ရတဲ့ ဘုန်းဘုန်းဦးသုစရိတ

လက်ရှိမှာ မြန်မာပြည်သူ၊ပြည်သားတွေ ကြုံတွေ့နေရတဲ့အခက်အခဲတွေကို စေတနာရှင်တွေနဲ့ ပရဟိတအဖွဲ့အစည်းတွေက ဝိုင်းဝန်းကူညီပေးနေကြတာဖြစ်ပါတယ်။ကိုဗစ်ကြောင့်လည်း သေဆုံးသူတွေများပြားနေတာကြောင့် ပရဟိတအဖွဲ့တွေအပြင် သံဃာတော်တွေကပါ PPE ဝတ်စုံတွေဝတ်ပြီး သုသာန်ကို လိုက်ပို့ပေးနေရတာဖြစ်ပါတယ်။ဦးပဥ္ဇင်းတစ်ပါးဆိုရင် သင်္ကန်းပေါ်မှာ PPE ထပ်ဝတ်ထားလို့ ပူလောင်မှုကိုခံစားရပေမယ့်လည်း လူသားတွေကို ကူညီပေးနေတာဖြစ်ပါတယ်။

ဦးပဥ္ဇင်းက Ambulance ကားကို ကိုယ်တိုင်မောင်းပြီး ရုပ်အလောင်းတွေကို သယ်ဆောင်ပေးသလို သေဆုံးသူအတွက်လည်း သရဏဂုံတင်ပေးတာဖြစ်ပါတယ်။သေဆုံးတဲ့သူတွေက များပြားလွန်းတာကြောင့် မီးသင်္ဂြိုလ်မယ့်နေရာတွေမှာတောင် တန်းစီပြီးစောင့်ရတာဖြစ်ပါတယ်။အခုဆိုရင်လည်း ဘုန်းဘုန်းဦးသုစရိတ က ဆရာတော်တစ်ပါးရဲ့ Dead Body ကို ရေဝေးသုသာန်သို့ လိုက်ပို့ရင်း ကားတန်းစီပြီးစောင့်ဆိုင်းနေရတာဖြစ်ပါတယ်။

ဘုန်းဘုန်းကတော့ စောင့်နေရတဲ့အချိန်မှာ ကားပေါ်မှာပဲ နေ့ဆွမ်းဘုဉ်းပေးရတာဖြစ်ပါတယ်။နေ့ဆွမ်းဘုဉ်းပေးချိန်မှာလည်း တစ်ကိုယ်လုံးကို ပိုးသတ်ဆေးဖြန်းပြီး ဘုန်းပေးခြင်းဖြစ်တယ်လို့လည်း ရေးသားထားပါတယ်။ဘုရားသားတော်အဖြစ် သာသနာ့ဘောင်မှာနေထိုင်နေပေမယ့် လူသားတွေအခက်အခဲနဲ့ကြုံနေရတာကြောင့်တစ်တပ်တစ်အားအနေနဲ့ ဘုန်းဘုန်းက ပါဝင်ကူညီပေးတာဖြစ်ပါတယ်။ဒါ့ကြောင့် ဘုန်းဘုန်းရဲ့စိတ်ဓာတ်ကိုလေးစားကြည်ညိုမိလို့ ပြန်လည်မျှဝေပေးလိုက်ပါတယ်။

Source&Photo Credit: ဦးသုစရိတ Facebook Acc