အခုရက်ပိုင်းအတွက် မြန်မာနိုင်ငံရဲ့နေရာအနှံ့မှာ မိုးတွေသည်းထန်စွာရွာသွန်းနေတာကြောင့် တောတောင်တွေထဲ နေထိုင်နေရတဲ့ ပြည်သူတွေ၊တောင်သူလယ်သမားတွေအခက်အခဲဖြစ်နေကြပါတယ်။ ဇူလိုင်လ(၆)ရက်နေ့မနေ့ညကတော့ ပုပ္ပါးဘက်မှလာတဲ့ ကားတစ်စီးဟာ ဆည်ပေါက်ချောင်းကိုဖြတ်ကူးရာ တောင်ကျရေစီးနေချိန်ဖြစ်တာမို့ ရေစီးနဲ့အတူ မျောပါသွားခဲ့ပါတယ်။ မျောပါသွားတဲ့ အဆိုပါကားတစ်စီးကို ကျောက်ပန်းတောင်းမြို့နယ်မီးသတ်တပ်ဖွဲ့မှ သွားရောက်ကယ်ဆယ်မှုတွေပြုလုပ်ခဲ့ကြကာ ကားမောင်းနှင်တဲ့ အမျိုးသားတစ်ဦး သေဆုံးသွားခဲ့ပါတယ်။

အသက်သေဆုံးသွားတဲ့အဆိုပါအမျိုးသားဟာ ဦးတင်ခိုင်ဖြစ်ပြီး ကျောက်ပန်းတောင်းမြို့၊ သာယာအေးရပ်နေသူဖြစ်တယ်လို့ သတင်းတွေအရ သိရပါသည်။ဦးတင်ခိုင်ဟာ ည(၈)နာရီအပြင်မထွက်ရအမိန့်ကြောင့် စိတ်လောပြီးကားနဲ့ဖြတ်ကူးရင်း သေဆုံးသွားခဲ့တာဖြစ်နိုင်ကြောင်း ဒေသခံပြည်သူတွေက ပြောဆိုနေကြပါတယ်။ ကျောက်ပန်းတောင်းမြို့နေပြည်သူတစ်ဦးကတော့ ဆည်ပေါက်ချောင်းဟာ မိုးရွာနေချိန်အရမ်းရေစီးသန်တာမို့ ပြည်သူတွေအနေနဲ့ အရဲစွန့်ပြီး ဖြတ်မကူးကြဖို့ သတိပေးပြောဆိုလိုက်ပါတယ်။

ပြည်သူတစ်ဦးကတော့ " (Juley..6)ညနေ (၇)နာရီဝန်းကျင်လောက်သတိရှိကြပါ မိုးတွေအရမ်းရွာနေပြီး ပုပ္ပါးဘက်မှ..လာသော...ကားတစ်စီး ဆည်ပေါက်ချောင်းကိုဖြတ်ကူးရာကားရေထဲမြောပါ၍လူပါအသက်ဆုံးရှုံးရ ကားရောလူရော ကျောက်ပန်းတောင်း..ကဟုသိရ ဒီချောင်းက..မိုးရွာရင်ရေစီးတစ်အားသန်တယ်ဗျာရေစီး​ နေ​တုန်းဖြတ်မကူးပဲခနတော့စောင့်ကြပါ ခနနေရင်..ရေကျပါတယ်ဟူး.......သတိရှိကြပါ"ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့ပါတယ်။ ပြည်သူတွေအနေနဲ့ ယခုလိုအချိန်မှာအသွားအလာဂရုစိုက်ကြဖို့တိုက်တွန်းလိုက်ရပါတယ်။

Source :  Original Uploder