မြန်မာနိုင်ငံရဲ့ဖြစ်ပေါ်နေတဲ့ အခြေအနေအရပ်ရပ်ကြောင့် အနုပညာရှင်တစ်ချို့လည်းပြည်သူတွေနဲ့အတူတစ်သားတည်းရပ်တည်ကာ ကူညီလှူဒါန်းမှုတွေကို တတ်နိုင်သရွေ့ပြုလုပ်နေကြတာဖြစ်ပါတယ်။ အခုလိုတက်ကြွစွာနဲ့ လူထုလှုပ်ရှားမှုတွေကိုလုပ်ဆောင်နေကြတဲ့ အနုပညာရှင်တွေထဲမှာဆိုရင် ရေဗက္ကာ၀င်းတစ်ယောက်လည်းအပါအ၀င်ပဲဖြစ်ပါတယ်။ ရေဗက္ကာ၀င်းက ဖေဖော်ဝါရီလအစပိုင်းတည်းက စတင်ကာ ပြည်သူတွေကို အခြေခံစားသောက်ကုန်တွေအပါအ၀င် အလှူငွေတွေနဲ့အ၀တ်အထည်တွေပါလှူဒါန်းပေးနေတာဖြစ်ပါတယ်။
အခုဆိုရင်လည်း ရေဗက္ကာ၀င်းက "ကယားပြည်နယ်ကစစ်ဘေးသင့်ပြည်သူတွေကို တတ်နိုင်သရွေ့လှူဒါန်းမှုတွေပြုလုပ်ခဲ့တာဖြစ်ပါတယ်။ ဒီအကြောင်းအရာလေးကိုလည်း သူမရဲ့ Facebookစာမျက်နှာမှာ "ငွေတောင်ပြည်မှ လိုအပ်နေတဲ့သွေးချင်းများအတွက် အစားအသောက် အဝတ်အထည်အသုံးအဆောင်ပစ္စည်း၉ထုပ်နဲ့ အလှူငွေ ၁၁သိန်းကို စေတနာရှင်များ စုပေါင်းလှူဒါန်းခဲ့ကြပါတယ် ?နယ်ပြန်ဖို့ လမ်းစရိတ်အခက်အခဲဖြစ်နေတဲ့ ညီမလေးကိုလဲ လမ်းစရိတ်လှူဒါန်းခဲ့ပြီး မီးဖွါးဖို့ လိုအပ်နေတဲ့ ညီမလေးကိုလဲ မီးဖွားစရိတ်လှူဒါန်းခဲ့ပါတယ် .....။
"ပြုခဲ့သမျှ ကောင်းမှုအစုစုတို့ကို ၇ရက်သားသမီးရရှိနိုင်စေဖို့ ဆုတောင်းပါတယ်ရှင် ???ဒီမောဆိုသွားခဲ့တဲ့ပုံလေးတွေလဲ အမှတ်တရအဖြစ် ပြန်တင်လိုက်ပါတယ်...." ဆိုပြီးရေးသားမျှဝေထားခဲ့ပါတယ်။ ကယားပြည်မှာ ပြည်သူ့ကာကွယ်ရေးတပ်တွေနဲ့ စစ်ကောင်စီတပ်တွေ တိုက်ပွဲအပြင်းအထန်ဖြစ်ပေါ်ခဲ့ပြီး ပြည်သူအတော်များများလည်း စစ်ဘေးရှောင်နေရကာ စားနပ်ရိက္ခာပြတ်လပ်မှုတွေနဲ့ကြုံတွေ့နေကြရတာဖြစ်ပါတယ်။ အခုလိုဆင်းရဲဒုက္ခရောက်နေကြတဲ့ပြည်သူတွေအတွက် ကူညီလှူဒါန်းပေးခဲ့တဲ့ ရေဗက္ကာ၀င်းရဲ့အလှူဒါနလေးကို ပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Rebecca Win's Facebook acc