တေးသီချင်းကောင်းများစွာကိုဖန်တီးခဲ့တဲ့ အဆိုတော်ရေမွန် ကွန်လွန်သွားခဲ့တာ ဒီနေ့နဲ့ဆိုရင် (၇) ရက်တိတိပြည့်သွားပြီဖြစ်ပါတယ်။ရေမွန်က လွတ်မြောက်နယ်မြေကို ရောက်ရှိနေတဲ့သူဖြစ်ပြီး အစာအိမ်သွေးကြောပေါက်လို့သေဆုံးခဲ့ရတာလို့ သိရပါတယ်။ရေမွန်ကွယ်လွန်တဲ့သတင်းကြားကြားချင်းမှာပဲ ပရိသတ်တွေနဲ့ အနုပညာညီအစ်ကိုမောင်နှမတွေက ဘယ်လိုမှမယုံနိုင်အောင်ဖြစ်ခဲ့ရတာဖြစ်ပါတယ်။အနုပညာရှင်ကောင်းတစ်ယောက်ကိုဆုံးရှုံးလိုက်ရတာကြောင့် ပြည်သူတွေလည်း ကျန်ရစ်သူမိသားစုနဲ့ထပ်တူ ဝမ်းနည်းနေကြတာဖြစ်ပါတယ်။

ရေမွန်ရဲ့ရုပ်အလောင်းကိုတော့ ဇွန်လ (၂၅) ရက်နေ့မှာ မီးသင်္ဂြိုလ်ခဲ့တာကြောင့် အဲ့ဒီနေရာကို ကျန်ရစ်သူမိသားစုဝင်တွေလည်း လိုက်သွားခဲ့တာဖြစ်ပါတယ်။ရေမွန်ကိုချစ်ကြတဲ့ ပရိသတ်တွေကတော့ သူ့အတွက်ရည်စူးပြီးသစ်ပင်၊ပန်းပင်လေးတွေ အထိမ်းအမှတ်အနေနဲ့ စိုက်ပျိုးခဲ့ကြတာဖြစ်ပါတယ်။ဒါ့အပြင် တချို့ပြည်သူတွေကအသားအနာခံပြီး သူတို့ရဲ့ခန္ဓာကိုယ်ပေါ်မှာတောင် အမှတ်တရတက်တူးလေးတွေ ထိုးကြတာကို လူမှုကွန်ယက်စာမျက်နှာပေါ်မှာ တွေ့မြင်ရပါတယ်။

ရေမွန်ကတော့ လူသာသေသွားပေမယ့် နာမည်မသေဘဲ ပရိသတ်တွေရဲ့ရင်ထဲမှာ ထာဝရတည်ရှိနေမယ့် အနုပညာရှင်တစ်ယောက်ပဲဖြစ်ပါတယ်။သူ့ရဲ့ သီချင်းလေးတွေနဲ့ ရုပ်ပုံလေးတွေကို ခန္ဓာကိုယ်ပေါ်မှာ ရေးထိုးထားကြတဲ့ပရိသတ်တွေရဲ့ အားပေးချစ်ခင်မှုကို ရေမွန်သာမြင်သွားခဲ့ရင် အရမ်းဝမ်းသာနေမှာပဲဖြစ်ပါတယ်။ပရိသတ်တွေကလည်း သူတို့ချစ်တဲ့အနုပညာရှင်တစ်ယောက်အတွက် လုပ်ပေးနိုင်တဲ့အရာလေးတွေကို ဖြည့်ဆည်းပေးကြရင်း ယူကြုံးမရဖြစ်နေကြတဲ့အကြောင်းလေးကို ပြန်လည်မျှဝေပေးလိုက်ပါတယ်။

Source&Photo Credit: Original Uploder