Nafiah Ikram လို့ခေါ်တဲ့ အသက် ၂၁ နှစ်အရွယ် မိန်းကလေးတစ်ဦးဟာ လူစိမ်းအမျိုးသားတစ်ဦးရဲ့ acid နဲ့တိုက်ခိုက်တာကို ခံခဲ့ရပါတယ်။

သူမဟာ ဆေးကျောင်းသူတစ်ဦးဖြစ်ပြီး ညဘက်အိမ်ကိုပြန်လာတဲ့အချိန် ကားရှိရာကနေ အိမ်ရှေ့တံခါးဝကိုလျှောက်လာနေစဥ်အတွင်းမှာ လူစိမ်းအမျိုးသားတစ်ယောက်က ရည်ရွယ်ချက်ရှိရှိနဲ့ ပြေးလာပြီး မျက်နှာကို အက်စစ်နဲ့ ပက်တာခံခဲ့ရတာပဲ ဖြစ်ပါတယ်။

ဒီတိုက်ခိုက်ခံရမှုကြောင့် Nafiah ဟာ မျက်နှာတစ်ခုလုံးနီးပါး စုတ်ပြတ်သွားခဲ့ပြီး အက်စစ်နဲ့ အများဆုံးထိတွေ့ခဲ့တဲ့ဘက်ခြမ်းက မျက်လုံးကလည်း ကွယ်သွားခဲ့ပါတယ်။

အက်စစ်ကြောင့် သူမရဲ့မျက်နှာအရေပြားကလည်း ပျက်ဆီးသွားခဲ့ရပြီး ပုံမှန်အတိုင်း ပြန်ဖြစ်ဖို့က မဖြစ်နိုင်တော့သလို အခြားသော ခန္ဓာကိုယ်အစိတ်အပိုင်းအချို့လည်း ထိခိုက်ခဲ့သေးတယ်လို့ သိရပါတယ်။

ဒါ့အပြင် သူမရဲ့လည်ချောင်းကပါ ဆိုးဆိုးရွားရွား ထိခိုက်ခဲ့တာကြောင့် အစားစားဖို့နဲ့ ရေသောက်ဖို့ကိုတောင် တော်တော်လေးခက်ခက်ခဲခဲ ရုန်းကန်နေရပါတယ်။

လက်ရှိမှာတော့ Nafish ဟာ ဒဏ်ရာတွေကနေ သက်သာလာခဲ့ပြီး အိမ်ပြန်ရောက်နေပြီဆိုပေမယ့်လည်း သူမရဲ့အရင်ကလို လှပတဲ့မျက်နှာလေးကိုတော့ ပြန်မရနိုင်တော့ပါဘူး။

သတင်း အရင်းအမြစ်៖ Daily Star