မတည်ငြိမ်တဲ့နိုင်ငံရေးအခြေအနေတွေနဲ့ ဆိုးရွားလာတဲ့ဖိနှိပ်မှုတွေကြောင့် ပြည်သူတွေအနေနဲ့ "ပြည်သူ့ကာကွယ်ရေးတပ် PDF" တွေကို မြို့နယ်တိုင်းလိုလိုဖွဲ့စည်းလာကြပြီး အာဏာရှင်စနစ်ကို အမြစ်ဖြတ်တော်လှန်ဖို့အတွက် ကြိုးစားလာကြတာဖြစ်ပါတယ်။ မင်းတပ်၊ဒီမောဆို့နဲ့ လွိုင်ကော်တို့မှာလည်း စစ်ပွဲတွေတောက်လျှောက်ဖြစ်ပေါ်နေပြီး တစ်ဖက်နဲ့တစ်ဖက် အထိအခိုက်အကျအဆုံးများပြားလာတာကိုတွေ့ရပါတယ်။
ရန်ကုန်၊မန္တလေးစတဲ့မြို့ကြီးတွေမှာလည်း ရပ်ကွက်ရုံးမီးလောင်မှု၊ ဗုံးပေါက်မှုတွေနဲ့ မီးလောင်မှုတွေဖြစ်ပေါ်နေတာဖြစ်ပြီး အုပ်ချုပ်ရေးမှူးအချို့လည်း ပစ်သတ်ခံရတဲ့အခြေအနေတွေထိဖြစ်ပေါ်နေတာကို တွေ့ရပါတယ်။ Gen Zလူငယ်လေးတွေနဲ့ အနုပညာရှင်တွေအချို့လည်း လွတ်မြောက်နယ်မြေမှာ စစ်ပညာသင်ယူနေကြပြီး အခက်အခဲတွေကြားထဲကနေ ပြည်သူတွေကာကွယ်ဖို့အတွက် ကြိုးစားနေကြတာဖြစ်ပါတယ်။
အခုလို PDFတွေဖွဲ့စည်းလာကြတဲ့နောက်မှာတော့ စစ်ကောင်စီတပ်တွေက မြို့ကြီးတွေရှိ တပ်၊ရဲနဲ့ ရပ်ကွက်ရုံးအနီးအနားတွေမှာ သဲအိတ်၊ဘန်ကာတွေနဲ့ အကာအကွယ်တွေအခိုင်အမာဆောက်လာကြတာကိုတွေ့ရပါတယ်။ အခုလိုပြုလုပ်လာကြတဲ့အတွက် ပြည်သူတွေအနေနဲ့လည်း မြို့ပေါ်တွေမှာ တိုက်ပွဲတွေပြင်းပြင်းထန်ထန်ဖြစ်လာနိုင်လားဆိုပြီး စိုးရိမ်ပူပန်မှုအချို့လည်းရှိနေတယ်လို့သိရပါတယ်။ ပရိသတ်တွေအတွက် ဒီပုံရိပ်တွေကို ပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Myanmarload