ဖေဖော်ဝါရီ တစ်ရက်နေ့ကတည်းက ပြည်သူတွေအားလုံးစည်းလုံးညီညွတ်စွာ ပြုလုပ်ကြတဲ့ တော်လှန်ရေးတိုက်ပွဲကြီးကတော့ တစ်စ တစ်စ ပိုမိုပြင်းထန်လာပြီ ဖြစ်ပါတယ်..။
ခိုင်မာပြတ်သားတဲ့ ယုံကြည်မှုတွေနဲ့ အရေးတော်ပုံအောင်မြင်ဖို့အတွက် အကြမ်းဖက်ဖြိုခွင်းမှုတွေကြောင့် အသက်ပေးကျဆုံးသွားခဲ့ရတဲ့ သူရဲကောင်းတွေရှိပေမယ့်လည်း ပြည်သူတွေကတော့ ယနေ့အချိန်ထိ သွေးမအေး အားမလျော့ခဲ့ကြပါဘူး..။
ဒီကနေ့ ဇွန်လ(၁၁)နေ့မှာလည်း ထားဝယ်တွင် စစ်အာဏာရှင်ဆန့်ကျင်တော်လှန်ရေး ထမီသပိတ်အဖြစ် အမျိုးသမီးတွေ ပါဝင်ပြီး နံနက်ခင်း ထမီသပိတ် တွေ ပြုလုပ်ခဲ့ကြပါတယ်..။
မြန်မာ့အမျိုးသမီးတွေရဲ့ အခန်းကဏ္ဍကို လေးစားဂုဏ်ပြုတဲ့အနေတဲ့ အမျိုးသမီးများနဲ့ ထားဝယ်လူငယ်တွေက စစ်ကောင်စီခေါင်းဆောင်တွေရဲ့ ဓာတ်ပုံတွေကို ထမီမှာကပ်ပြီး တော်လှန်ရေးသပိတ် ပြုလုပ်ခဲ့ကြတာပါ..။
အရေးတော်ပုံကြီး အောင်မြင်ဖို့အတွက် တောင်တန်းပြည်မ တိုင်းရင်းသားတွေအားလုံး မလျော့သောဇွဲ လုံ့လတွေနဲ့ နွေဦးတော်လှန်ရေးမှာ တက်ကြွစွာ ပါဝင်တော်လှန်နေကြတာလည်း ဖြစ်ပါတယ်..။
ပြည်သူတွေအနေနဲ့ တတ်နိုင်တဲ့ဘက်ကနေ ကျရာတာဝန်ထမ်းကာ အင်တိုက်အားတိုက်နဲ့ အားတင်းကာ ကြိုးစားတိုက်ပွဲဝင်နေကြတာဆိုလည်း မမှားပါဘူး..။
Bong I.T